மாடுகள் கடத்தல்-சட்டம் சொல்வது என்ன..??

PCA (Prevention of Cruelty on Animals Act) • போதுமான இடம் இருக்க வேண்டும்: லாரியின் கணக்கில் வண்டிக்கு 6 பசுக்களே ஏற்ற வேண்டும். • லாரியில் உள்ள பசுக்களுக்கு போதுமான நீர்-தீவனம் இருக்க வேண்டும் • லாரிகளின் பக்கவாடுகளில் கம்பிகள் குத்தாதவாறு குஷன் வசதி இருக்க வேண்டும் • லாரிகளுக்கு மேல்கூரை இருக்க வேண்டும். வெயிலில் பசுக்கள் காயகூடாது. • பசுக்கள் வண்டிகளில் கொண்டுசெல்ல ஆரோக்கியமான நிலையில் உள்ளன என கால்நடை மருத்துவர் சான்றிதழ் கொடுக்க வேண்டும். • காளை மாடுகளும்-கன்றுகளும் ஒரே வண்டியில் ஏற்ற கூடாது. தனி தனியே தான் கொண்டு செல்ல வேண்டும். • சினை மாடுகள் (கர்ப்பிணி) வண்டியில் ஏற்றவே கூடாது. வண்டியில் உள்ள மாடுகளில் எதுவும் சினை இல்லை என்று டாக்டர் சான்றிதழ் தர வேண்டும். • கன்றுகள் 10 வயதுவரை ஏற்றவே கூடாது. கறவை பசுக்களையும் ஏற்றவே கூடாது. கறவை நின்று போன மாடுகளை மட்டுமே கொண்டு செல்லலாம். அதற்கும் டாக்டர் சான்றிதழ் வேண்டும். • பசுக்களின் கண்களில் மிளகாய், காதுகளில் சுடுநீர் போன்ற கொடுமைகள் நடக்கிறது. அதற்க்கு கடுமையான தண்டனைகள் உண்டு. Section 97 (Tansportation of Animals): • லைசன்ஸ் பறிமுதல், லாரிகள் பறிமுதல், பைன், சிறை தண்டனை உட்பட பல தண்டனைகளும் இவ்விதிகள் பின்பற்றாதவர்களுக்கு வழங்க படும். லாரிகளை பிடித்தவுடன் மாடுகளை காப்பகதிற்கோ, ஆர்வலர்களோ கொண்டு சென்று பராமரிக்கலாம். நீதிபதியே காண வேண்டும் என்றாலும் அவர்தான் வந்து பார்த்து கொள்ள வேண்டும். மேலே சொன்ன விதிகளை எந்த லாரிகாரனும் பின்பற்றுவதில்லை. அதனால் மாடுகளை ஒட்டிசென்றாலும், லாரிகளை கொளுத்தினாலும், டிரைவர்களை தாக்கினாலும் கூட அவர்கள் லாரி உரிமையாளர்கள் ஒன்றும் செய்ய முடிவதில்லை.

 

மட்டன் பிரியாணி! ! ! !

தேவையான பொருட்கள்
அரிசி - 1 கிலோ
மட்டன் - 1 கிலோ
இஞ்சி - 100 கிராம்
பூண்டு - 100 கிராம்
தக்காளி - 1/4 கிலோ
வொங்காயம் - 1/4 கிலோ
பச்சைமிளகாய் - 10
பட்டை - 10
லவங்கம் - 10
ஏலக்காய் - 10
மிளகாய் தூள் - 1 1/2 ஸ்பூன்
மல்லித்தூள் - 2 ஸ்பூன்
தயிர் - 250 கிராம்
எலும்மிச்சை – 1
புதினா - 1/2 கட்டு
கொத்தமல்லி - 1/2 கட்டு
எண்ணெய் - 50 கிராம் (தேவைக்கு)
நெய் - 50 கிராம் (தேவைக்கு)
உப்பு - தேவைக்கு

கேசரிப்பவுடர் - தேவைக்கு

அரைக்க வேண்டியவை 

இஞ்சி, பூண்டு இரண்டையும் நன்கு அரைக்கவும்.
பட்டை- 5, லவங்கம்- 5, ஏலக்காய்- 5,மிளகாய்த்தூள், மல்லித்தூள் இவை அனைத்தையும் ஒன்றாக சேர்த்து நன்கு அரைத்துக்கொள்ளவ ும்

செய்முறை

ஒரு பாத்திரத்தில் எண்ணெய், நெய்இரண்டையும் ஊற்றி நன்கு காய்ந்ததும் பட்டை-5, லவங்கம்-5, ஏலக்காய்-5 போட்டு அத்துடன் இஞ்சி,பூண்டு விழுதையும் சேர்த்து பச்சை வாசனை போகும் வரைநன்கு வதக்கவும்.
அதனுடன் கறி சேர்த்து நன்கு கிளறி அத்துடன் கறிக்கு தேவையான உப்பையும் போட்டு கிளறவும். 5 நிமிடம் கழித்து அரைத்து வைத்த மசாலாப்பவுடரையு ம் சேர்த்து கிளறி, வெங்காயம், பச்சைமிளகாய் சேர்த்து நன்கு வதக்கவும்.

அத்துடன் தக்காளி, புதினா, கொத்தமல்லி, சேர்த்து கிளறி. பிறகு தயிரையும் சேர்த்து நன்கு கிளறி சிறிது தண்ணீர் விட்டு வேகவிடவும்.
முக்கால் பாகம் வெந்ததும் சாதத்திற்கு தேவையான தண்ணீர் ஊற்றி அத்துடன் உப்பு, கேசரி பவுடர், எலுமிச்சை சாறு சேர்த்துநன்கு கிளறி விட்டு ஒரு கொதி வந்ததும் அரிசியை போட்டு கிளறி விடவும்.

5 நிமிடம் கழித்து நன்கு கிளறி அரை வேக்காடு வெந்து தண்ணிர் வற்றியதும் ஒரு மூடி போட்டு அதன்மேல் ஒரு பாத்திரத்தில் தண்ணீர் ஊற்றி வைக்கவும். (தம் விடவும்) இப்படி செய்யும் போது அடுப்பை குறைத்து வைக்க வேண்டும்.

கால் மணி நேரம் கழித்து எடுத்தால் சுவையான மட்டன் பிரியாணி தயார் .
 

நன்றி-கதம்பம்

தொலைவில் இருக்கும் கணணியை நமது கணினி மூலம் இயக்குவது எப்படி?

உங்கள் கணினியில் அமர்ந்து கொண்டே எங்கோ இருக்கும் உங்கள் நண்பரின் கணினியை இயக்க முடியுமா? முடியும் என்ற வார்த்தையை பதிலாய் சொல்லுவதை விட. Team Viewer என்று பதில் சொல்லலாம். Remote Control வசதியை முழுக்க முழுக்க இலவசமாக வழங்கும் Team Viewer காணப்படுகின்றது .
Team Viewer என்றால் என்ன?
மேலே சொன்னது போல உங்கள் நண்பரின் கணினி அல்லது உங்கள் வீட்டு/அலுவக கணினி போன்றவற்றை நீங்கள் இருந்த இடத்தில் இருந்தே இணைய இணைப்பின் மூலம் இயக்க வைக்கும் மென்பொருள் தான் இது. Remote Control வசதி மூலம் குறிப்பிட்ட கணினியில் இருக்கும் பிரச்சனைகளை நீங்கள் சரி செய்ய முடியும், அந்தக் கணினியில் உள்ள மென்பொருட்களை இயக்க முடியும்.
இதை தரவிறக்க இங்கே செல்லவும். Team Viewer 7.0. (http://download.cnet.com/TeamViewer/3000-7240_4-10398150.html?part=dl-6271747&amp%3Bsubj=dl&amp%3Btag=button)
இப்போது இதை இன்ஸ்டால் செய்து கொள்ளவும். இன்ஸ்டால் செய்யும் போது Non-Commercial Use என்பதை தெரிவு செய்யவும்.
எப்படி இதை பயன்படுத்துவது?
Install செய்த நண்பர்கள் உங்கள் கணினியில் Team Viewer-ஐ ஓபன் செய்யவும்.
உங்களுக்கென ID & Password கொடுக்கப்பட்டு இருக்கும். அதை நீங்கள் உங்கள் நண்பருக்கு தந்தால் அவர் இணைய இணைப்பில் உள்ள உங்கள் கணினியை, இணைய இணைப்பு உள்ள அவரது கணினியில் இருந்து Access செய்ய இயலும்.
நீங்கள் Access செய்ய வேண்டும் என்றாலும் உங்கள் நண்பரின் இந்த தகவல்களை நீங்கள் அறிந்திருக்க வேண்டும். உங்கள் நண்பர் கணினியின் Id தெரிந்தால் அதை Partner ID என்ற இடத்தில் கொடுத்து Connect To Partner என்று கொடுக்க வேண்டும். இப்போது விண்டோவில் அவரது Password-ஐ தர வேண்டும். இப்போது உங்கள் நண்பரின் கணினி உங்கள் கண் முன் விரியும்.
இதில் இரண்டு வசதிகள் உள்ளன. இரண்டாவது File Transfer என்பது File களை Transfer செய்ய முடியும் . இந்த File Transfer வசதி மூலம் நீங்கள் Access செய்யும் கணினியில் இருக்கும், உங்களுக்கு/அவருக்கு தேவைப்படும் File களை நீங்கள்/அவர் நேரடியாக உங்கள்/அவர் கணினிக்கு எடுத்துக் கொள்ளமுடியும்.
உங்கள் தனிப்பட பயன்பாடுகளுக்கு இது இலவசம். உங்கள் password ஐ மாற்ற Teamviewer ஓபன் செய்து Refresh போன்ற பட்டன் (Password க்கு அடுத்து) கிளிக் செய்து வைக்கலாம். சில நேரங்களில் நீங்களே தொடர்பு கொள்ள வேண்டி இருக்கலாம். மாறும் Password வேண்டாம் நினைவில் உள்ள மாதிரி நீங்களே வைத்து கொள்ள அதே பட்டனில் Set Predefined Password என்பதில் இதை நீங்கள் செய்யலாம்.
இனி உங்கள் கணினியில் ஏதேனும் மாற்றம் செய்ய வேண்டும் உங்களுக்கு தெரியவில்லை என்றால் உங்கள் நண்பரை ஒருவரை இதன் மூலமே செயல்பட வைக்க முடியும்.
இதில் முக்கியமான விஷயம் உங்கள் கணினியை உங்கள் நண்பர் Access செய்யும் போது அதை நீங்கள் பார்க்க முடியும். அவர் ஓபன் செய்யும் ஒவ்வொன்றும் உங்கள் கணினி திரையில் தெரியும். எனவே பாதுகாப்பு பற்றி கவலைப் பட தேவை இல்லை. இருப்பினும் நம்பிக்கையான நபரை மட்டும் இது போன்ற செயல்களை செய்ய அனுமதியுங்கள். இதே போலவே File Transfer க்கும்.
இதில் மீட்டிங் என்ற வசதியும் உள்ளது, 25 பேர் வரை இதில் இணைந்து ஒரே நேரத்தில் Video Conference போல செயல்பட முடியும்.
இதைப் பயன்படுத்த கட்டாயத் தேவைகள் என்ன?
முக்கியமாக இரண்டு கணினிகளிலும் Team Viewer இருக்க வேண்டும், அதே சமயம் இணைய இணைப்பு மிக மிக மிக அவசியம்...!

 

Via kalvianjal.blogspot.com

ராஜ நாகம் பற்றிய தகவல்கள் !

பாம்புகளையும், சிலவகை பல்லிகளையும் மட்டுமே உணவாக உட்கொள்ளும் பாம்பு உள்ளது. அது ‘கிங் கோப்ரா’ என்று அழைக்கப்படும் ராஜ நாகம் ஆகும்.

இவை நாக்கினால் காற்றில் கலந்துவரும் தனது உணவின் மணத்தைக் கண்டுபிடிக்கிறது. பின் அதைக் கண்டு நெருங்கிச் சென்று கழுத்தைக் குறிவைத்து கடிக்கிறது. அப்பொழுது அதன் அரை இஞ்சு நீளமுள்ள விஷ பல்லில் இருந்து கொடிய விஷம் அந்த மிருகங்களின் உடலில் பாய்கிறது. விஷம் மிருகங்களின் நரம்பு மண்டலத்தை அடைந்ததும் சிறுக சிறுக அவை செயல் இழக்க ஆரம்பிக்கின்றன.

இராஜ நாகத்தின் விஷமானது எவ்வளவு சக்தி வாய்ந்ததாக இருந்தாலும் அவை தனது உணவை விரைவில் செயல் இழக்க செய்ய ஒரு தந்திரத்தைக் கையாள்கிறது. அதாவது, தன்னிடம் அகப்பட்ட அந்த விலங்கை சுமார் இரண்டு மணி நேரம் தன்னுடன் போராடும்படி செய்கிறது. இதன் மூலம் விஷமானது மிக விரைவாக உடல் முழுவதும் பரவி அவை விரைவில் செயல் இழக்கின்றன. வெப்ப இரத்த பிராணிகள் கடி பட்டதும் மிக விரைவாக செயலிழக்கின்றன. காரணம், அவற்றில் இரத்த ஓட்டம் வேகமாக நடைபெறுவதே ஆகும்.

அகப்படும் பாம்புகளின் மற்றும் பல்லிகளின் அளவைப் பொறுத்து அவற்றை முழுமையாக விழுங்குவற்குத் தேவையான கால அவகாசம் எடுத்துக்கொள்கிறது. இவற்றால் தனது தாடை பகுதியிலுள்ள மூட்டு எலும்புகளைத் தேவைக்கேற்ப விடுவித்துக்கொள்ள முடியும். பின் ஒரு தனி இடத்தில் சென்று ஓய்வு எடுத்தபடியே உணவை ஜீரணிக்க செய்கிறது.

16 அடி நீளத்திற்கு மேல் வளரும் இவற்றின் சராசரி நீளம் 13.2 அடி ஆகும். இவற்றின் சராசரி எடை 6 முதல்7.5 கிலோ ஆகும். இவற்றின் விஷ சுரப்பி கண்களுக்கு பின்புறத்தில் அமைந்துள்ளது. அதன் தோல் ஆலிவ் பச்சை,இடையிடையே மங்கலான கறுப்பும், மங்கிய மஞ்சள் நிறமும் கலந்து காணப்படுகின்றன. அடிப்பகுதி மங்கிய மஞ்சள் நிறத்தில் காணப்படும்.

ஒரு முறை 18 முதல் 51 முட்டைகள் இடும் இவை தனது நான்காவது வயதில் இணை சேரும் பருவத்தை அடைகின்றன. ஒவ்வொரு ஆண்டும் ஜனவரி மாதம் இணை சேருவதற்கான காலமாக இருக்கிறது. 70 முதல் 77நாட்கள் கர்ப்பத்துக்குப் பின் முட்டை இடுகின்றன. மீண்டும் ஓர் ஆண்டு இடைவெளிக்குப் பின் இவை இன பெருக்கத்திற்குத் தயாராகின்றன.

20 ஆண்டு சராசரி ஆயுளையுடைய இவை இந்தியா, பங்களாதேஷ்,பர்மா, தாய்லாந்து, கம்போடியா, வியட்நாம், மலேசியா, இந்தோனேஷியா, சீனா மற்றும் பிலிப்பைன்ஸ் போன்ற நாடுகளில் அபூர்வமாகக் காணப்படுகிறது. இவை கடிப்பதால் மனிதர்கள் அதிகமாக மரணமடைகின்றனர்.

 

Via Karthikeyan Mathan

 

வெள்ளைப்படுதல், ரத்தப்போக்கு---இயற்கை மருத்துவம்

1. தினமும் அன்னாசிப்பழம் சாப்பிட்டால் வெள்ளைப்படுதல் நீங்கும். கர்ப்பிணிகள் சாப்பிடக் கூடாது.

2. பப்பாளிக் காயை இடித்து சாறு எடுத்து. ஒரு அவுன்ஸ் சாப்பிட்டால், மாதவிலக்கு சமயங்களில் வலி குறையும்.

3. பச்சை வாழைக்காயை இடித்து, வெல்லம் சேர்த்து சாப்பிட்டால் மாதவிலக்கு கால ரத்தப்போக்கு கட்டுப்படும்.

4. நல்லெண்ணெயுடன், முட்டையை கலந்து குடித்தால், மாதவிலக்கு பிரச்சினைகள் தீரும்.

5. புளியம்பழத்தோல், முருங்கைக்காய், சுக்கு மூன்றையும் சேர்த்து கஷாயம் செய்து குடித்தால், மாதவிலக்கு குளறுபடிகள் இருக்காது!

6. மாம்பழக் கொட்டையை காயவைத்து பொடியாக்கி, தேன் கலந்து சாப்பிட்டால் மாதவிலக்கு ரத்தப்போக்கு குறையும்.

7. கொள்ளுவின் அவித்த நீரை குடிப்பது மாதவிலக்கு காலத்துக்கு ஆரோக்கியம்.

8. புளி, மஞ்சள், மல்லி மூன்றையும் சேர்த்து அரைத்து, சாப்பிட்டால் மாதவிலக்கு பிரச்சினைகள் ஓரளவு கட்டுப்படும்.

9. வேப்பமரப் பட்டை- பூ- வேர்- காய்- பழம் அனைத்தையும் அரைத்து, பாலில் கலந்து சாப்பிட்டால், கர்ப்பமாகும் சக்தி அதிகரிக்கும்!

10. பேரீச்சம்பழம், கொத்தமல்லி இலை இரண்டையும் அரைத்து, பசும்பாலுடன் சேர்த்து கொதிக்க வைத்து குடித்தால் கர்ப்பம் தரிக்கும்!

11. உளுத்தம் பருப்பை நெய்யில் வறுத்து, பொடியாக்கி, பாலில் கொதிக்க வைத்து, அதனுடன் சர்க்கரை கலந்து சாப்பிட்டால் உயிரணு உற்பத்தி அதிகரிக்கும்.

13. தாய்ப்பால் நன்றாகச் சுரக்க :

1. பப்பாளிப் பழத்தைத் தேனில் தொட்டு உண்டால் தாய்ப்பால் நன்றாகச் சுரக்கும். இதைத் தாய்ப்பால் கொடுப்பவர்கள் தினமும் உண்ணலாம்.

2. குழந்தை பெற்ற தாய்மார்கள் தினம் சிறிது ஊறவைத்த வெந்தயத்தை சாப்பிட்டுவர பால் அதிகம் சுரக்கும். குழந்தையும் கொழு கொழுவென ஆகும்.

கஜகேசரி யோகம்

கஜம்=யானை
கேசரி=சிங்கம்
மதம் கொண்ட யானையை யாராலும் அடக்கமுடியாது,ஆனால் ஒரு சிங்கத்தை கண்டால் மதம் கொண்ட யானையும் அடங்கிவிடும்.அதுபோல் ஒருவரது ஜாதக கட்டத்தில்,எவ்வளவு துன்பம் தரக்கூடிய கிரகஅமைப்புகள் இருந்தாலும்,அந்த ஜாதகர்க்கு கஜகேசரியோகம் மட்டும் இருந்து விட்டால்,மதம் கொண்டயானை எப்படி சிங்கத்திடம் அடங்கிவிடுகிறதோ அதுப்போல் எவ்வளவு துன்பம் தரக்கூடிய கிரக அமைப்பு இருந்தாலும்,இந்த யோகம் இருந்தால் எல்லா துன்பங்களும் அடங்கிவிடும் என்பது ஜோதிட சாஸ்திரம்.

ஒரு ஜனன ஜாதகத்தில் சந்திரனுக்கு 1, 4, 7, 10 இடங்களாகிய ஆகிய கேந்திர ஸ்தானங்களில் குரு நிற்க, குருவின் கேந்திரத்தில் சந்திரன் நின்றால், நின்ற அந்த 1,4,7,10 இடங்கள் சந்திரனுக்கும், குருவுக்கும் நன்மை பயக்குமிடங்களாயின் அது கஜகேசரி யோகமாகும்.

அவைகள் நீசம் பெறாமலும், பகை வீட்டில் இல்லாமலும், வக்கிரம் பெறாமலும்,
அஸ்தமனமாகாமலும், தீய கிரகங்களின் கூட்டணி மற்றும் பார்வை பெறாமலும்
இருக்க வேண்டும். அதோடு அவைகளில் இரண்டில் ஒன்று ஜாதகத்தில்
6, 8,12 ஆம் வீடுகளில் உட்கார்ந்திருக்கக்கூடாது.
பொதுவாக இந்த யோகம் ஜோதிடத்தில் மிக உயர்ந்ததாக சொல்லப் பட்டிருக்கிறது. இந்த கஜகேசரி யோகமுள்ள ஒரு ஜாதகர் ஒரு குடும்பத்தில் பிறந்துவிட்டால் அந்த குடும்பம் எப்படிப்பட்ட தரித்திர சூழ்நிலையிலிருந்தாலும் அந்த குடும்பத்தை மீட்டு கொண்டு வரும் ஆற்றல் இந்த யோகத்தில் பிறந்த அந்த ஜாதகருக்கு நிச்சயமிருக்கும்.

அன்புடன் பட்டுக்கோட்டை ஜோதிடர் சுப்பிரமணியன்.

   

வாசியோகம்!(பகுதி4)

இதில் இடகலை:- இடது நாசி வழியாய் உள்ளும் வெளியும் சென்று வரும் சுவாசம் .

பிங்கலை:-வலது நாசி வழியாய் உள்ளும் வெளியும் சென்று வரும் சுவாசம்.

சுழுமுனை:- இரு நாசித் துவாரங்களின் வழியாயும் உள்ளும் புறம்பும் இயங்கும் சுவாச கதிகளாகும்.

இந்தச் சுவாசமாகிய வாசியைக் கட்டுப் படுத்த ஐந்து வகையான மார்க்கமே சிறந்தது என்று அகஸ்தியர் முதலான சித்தர்கள் தமது நூலில் கூறி உள்ளனர்.

அவை முறையே1.இரேசகம்--மூச்சுக்காற்றை வெளி விடுதல்2.ப+ரகம்--மூச்சுக்காற்றை உள்ளிழுத்தல்3.கும்பகம்-மூச்சுக்காற்றை உள்ளே நிறுத்துதல்.4.சவுபீசம்-மூச்சுக் காற்றை நிறுத்துவதோடு பீஜ மந்திரங்களை மனதினுள் ஜெபித்தல்.5.மூச்சுக் காற்றை நிறுத்தி மந்திர ஜெபத்தை விடுத்து ஆகாயத்தில் மனதையும் உயிராகிய வாசியையும் ஒருமித்து நிற்கச் செய்தலாம்.

இன்னமும் இரேசகத்தை மூலாதாரமும் சுவாதி~;டானமும் கூடுமிடத்தல்செய்வதாம். ப+ரகத்தை மணி ப+ரகத்திலும்,கும்பகத்தை அநாகதத்திலும்,சவுபீசத்தைவிசுத்தியிலும்,நிற்பீசத்தை ஆக்ஞையிலும் முறையே நிறுத்தி நிதானமாய் அப்பியாசிக்க வேண்டும்.

இப்படி ஆறு ஆதாரத்திலும் வாசியை ஒரு முறை இயக்கிப் பயிலுதற்கு ஒரு பிராணாயாமம் என்று பெயராகும்.

முதலில் இந்த வாசி யோகப் பயிற்சியை மேற் கொள்ளுபவர்கள் காலையிலும் மாலையிலும் ஆகாரத்திற்கு முன்பே அப்பியாசம் செய்வது நல்லதாகும்.

வடக்கு முகமாக நிமிர்ந்து உட்கார்ந்து பயிற்சியை மேற் கொள்ள வேண்டும்.முதலில் மாணாக்கர்கள் இடது நாசித் துவாரம் வழியாகக் காற்றை உள்ளே இழுத்து வலது நாசி வழியாய் வெளியிடவேண்டும்.

அப்பால் வலது நாசி வழியாக மூச்சுக் காற்றை உள்ளே இழுத்து தாமதிக்காமல் இடது நாசி வழியாய் வெளியிடவேண:;டும்.

பின் ஒரு நாசித்துவாரம் மூலம் இழுக்கப்பட்ட சுவாசத்தை அதே நாசி மூலம் வெளியிட வேண்டும்.இவ்வாறு சில தினங்கள் செய்து வரச் சுவாசம் தடையின்றி ஓடும்.

இதன் பின் இரேசக ப+ரக கும்பகம் ஆகியவற்றைச் செய்து பழக வேண்டும்.அதாவது ரேசகம் 32 மாத்திரையும்,ப+ரகம் 64 மாத்திரையும்,கும் பகம் 16 மாத்திரை அளவும் அப்பியாசம் செய்யவும்.இதை இரு நாசியிலும் ஒன்று விட்டு மற்றொன்றிலும் மாற்றி மாற்றிச் செய்து வரவும்.

இதில் மாத்திரை என்பது கண் இமைக்கும் நேரம்.அதாவது ஒரு நொடியாகும்.

இதையே புவஸ்திய மஹாரி~p தனது நூலில் கூறி உள்ளதாவது.

1.”வாசி யோகத்தின் மகத்துவம் உரைக்க
வகுக்க ரேசகத்தின் திறப்பை
மாத்திரை முப்பத்திரண்டுமே வளமாய்
மாறவு மதனை நீரையா”

2.”வீசு ப+ரகத்தில் அறுபத்துநாலு
விளங்கியே மாறி மாறிடவும்
விகற்பம் வந்தணுகா வாசி நின்றுலவ
மேகுறி திறவு கோலறிதல்”

3.”பாசம் வந்தணுகா கும்பகமதில் பதி
னாரென அறிந்துமே தீரு
பழக்க மிதாகும் மகத்துக்கழுறைக்கும்
பரிப+ரணானந்த தீட்சை”-என்று பாடல் உள்ளதாகும்

இங்கு கூறப்பட்ட விதிக்கிணங்க ரேசகம்,ப+ரகம்,கும்பகங்களைச் செய்து வரச் சுவாசம் கட்டுப்படும்.இதன்பின்

“தேடு ப+ரகத்தில் முப்பத்திரண்டு
சிவ சிவா ரேசகம் பதினாறு
தெளிதரும் கும்பகத்தில் அறுபத்திநாலு
திருத்தமாய்த் தீரு மிவ்விதமாய்”-என்ற கவிக்கிணங்க ப+ரகம்32,ரேசகம்16,கும்பகம்64 மாத்திரை அளவுள்ளதாய் மூச்சுக் காற்றாகிய வாசியைத் தனது நாசித் துவாரங்கள் வழியாக உள்ளே இழுத்தும்,வெளியே விட்டும்,நிறுத்தியும் நன்றாகப் பயிற்சிக்க வாசியானது கட்டுக் கடங்கி இடகலை,பிங்கலை ஆகிய இரு நாடிகளும் கூடி மூலாதாரத்திற் சென்று முட்டும்;. அப்போது மூலக் கனலானது மூண்டு எழும்.இதனால் உயிரழியாது ஆயுட் பெருக்கத்திற்கு முதலில் வழி வகுக்குமாம்.

இதையே “ஏற்றி இறக்கி யிரு காலும் ப+ரித்துக்
காற்றைப் படிக்கும் கணக்கறிவாறில்லை
காற்றைப் பிடிக்கும் கணக்கறிவாளர்க்குக்
கூற்றை உதைக்குங் குறியதுவாமே.”-என்று திருமூல மஹாரி~p தமது திருமந்திரம் 3000 த்தில் கூறி உள்ளதைக் காண்கவும்.

இன்னமும் ஒளவை தமது குறளில்
“வாயு வழக்க மறிந்து செரிந்தடங்கில்
ஆயுட் பெருக்க முண்டாம்”-என்பது காண்க.

மேலும்
“இயம்பு சுழிமுனைக்கு மிடை பிங்கலைக்கு
மிடை நடுவே இலங்கு மிதன் தேவு பிர்மா
சுயம்புவாய் ரேசக ப+ரக கும்பகமும்
சொல் மூன்று தேவதையின் ஜென்ம ப+மி
வயம் வாயு வெளி விடுதல் ரேசகந்தான்
வாயுவையும் ஏற்றிடுதல் ப+ரகந்தான்
பயம் போக உள்ளடக்கல் கும்பகந்தான்
பாலகனே இவ்வுண்மை பரிந்து பாரே”-என்று சுப்ரமண்யர் தமது நூலில் சொல்லி உள்ளது இவ் வியோகத்திற்குச் சாட்சியாய் அமைந்துள்ளது.

இவ்வாறு மூலக்கனலானது மூண்டு பிம்மத் தண்டம்(முதுகெலும்பு)ஆகிய நடு நாடி வழியாய் சுழிமுனையைப் பற்றி ஓடும்.

இச் சமயம் இவ் வப்பியாசிகள் அடுத்துள்ள சவுபீச,நிற்பீச முறைகளைப் பின் பற்ற வேண்டும்.

சவுபீசத்தைப் பின பற்றுகிற யோகிக்கு நினைத்த மாத்திரத்திலே வாயுவானது கும்பகத்தை அடைந்து மனம் ஒரு நிலைப்படும்.

இத்தகைய நிலைக்கு வந்துள்ள யோகி ரேசக ப+ரகாதிகளைத் தாமாகவே விடுத்து விடுவர்.மனம் எப்போதும் பரத்தைப் பற்றிய தாகவே இருக்கும்.

”மாங்கல்யம் தந்துனானே

”மாங்கல்யம்
தந்துனானே மம ஜீவன
ஹேதுனா
கண்டே பத்னாமி சுபாகே
சஞ்சீவ சரத சதம்”

இது திருமணம் நடக்கும்
போது... மணமகன்
மணமகள் கழுத்தில்
தாலிகட்டும் நேரத்தில்
புரோகிதரால் ஓதப்படும்
மந்திரம்....

இதன் அர்த்தம்
எத்தனை பேருக்கு தெரிய
அந்த
மந்திரத்தை அப்படியே ம
இப்படிதான் இருக்கும்..

“மங்கள வடிவமாக திகழும்
பெண்ணே
உன்னுடன் துவங்கும்
இல்லற
வாழ்வு எனக்கு நன்றாக
அமைய வேண்டும்.
என்னுடையனுக்கு ஜீவன
என்று உறுதி கூறி , இந்த
திரு மாங்கல்ய
கயிறை உன் கழுத்தில்
அணிவிக்கிறேன் .
என் இல்லற துணையாக ,
அணைத்து சுக
துக்கங்களிலும்
பங்கேற்று ,
நிறைந்த யோகத்துடன் நீ
என்னுடன்
நூற்றாண்டு காலம்
வாழ்வாயாக !!!!!”

Via தமிழால் இணைவோம்

தகவல் தொழிநுட்பம் Hard Disk

உங்கள் கம்ப்யூட்டர் இயங்கிக் கொண்டு இருக்கும் போது, ஏதாவது பிரச்சினைகளினால் கம்ப்யூட்டர் ஆஃப் ஆனால், அல்லது ரீஸ்டார்ட் செய்ய சொல்லி அப்படி செய்தால் hard disk இல் குப்பை உருவாகும். இது போல பல காரணங்களினால் உங்கள் hard Disk குப்பை ஆக வாய்ப்பு உள்ளது. இதனால் திடீர் என்று உங்கள் Hard Disk வேலை நிறுத்தம் செய்து விடும்.

மனிதன் வேலை நிறுத்தம் செய்தால் சம்பளம் கொடுத்து தீர்வு செய்யலாம். இதற்கு என்ன செய்ய முடியும். எனவே வரும்முன் காப்பதே சிறந்தது. அதற்குத்தான் check Disk வசதி உள்ளது. இது கம்ப்யூட்டரில் Chkdsk என்ற பெயரில் அறியப்படும்.

இதன் மூலம் உங்கள் Hard Disk இன் Critical நிலைகளை கண்டறிந்து அவற்றை சரி செய்யலாம். இதனால்உங்கள் கம்ப்யூட்டர் வேகமாக இயங்கவும் வாய்ப்புகள் உள்ளது.

இதை செய்யும் போது கம்ப்யூட்டர் ரீஸ்டார்ட் ஆகும். இது எடுத்துக் கொள்ளும் நேரம் கிட்டதட்ட ஒரு மணி நேரம். கூட குறைய இருக்கலாம். இந்த சமயத்தில் உங்களால் எதுவும் செய்ய இயலாது என்பதை நினைவில் கொள்ளுங்கள்.

ஆனால் இதை செய்வதன் காரணமாக உங்கள் Hard Disk பாதுகாப்பாக இருக்கும். மிக அதிக நேரம் இயங்கும் கம்ப்யூட்டர் என்றால் மாதம் ஒரு முறையாவது Check Disk செய்து கொள்ளுங்கள்.

எப்படி செய்வது எனக் காண்போம் வாருங்கள்.

1.My Computer உள்ளே நுழைந்து C Drive மீது Right Click செய்து Properties செல்லவும்.

2.அடுத்து வரும் குட்டி விண்டோவில் Tools என்ற Tab ஐ தெரிவு செய்யவும். இதில் Error Check என்பதில் “Check Now” என்பது இருக்கும். அதை கிளிக் செய்யவும். இதற்கு அடுத்து கீழே உள்ள விண்டோ வரும்.

3.இதில் முதலாவது எப்போதும் கிளிக் செய்யப்பட்டு இருக்க வேண்டும். இது System Error களை கண்டறிந்து Automatic ஆக சரி செய்து விடும். இரண்டாவது ஒன்று உங்கள் Disk இன் Bad Sector களை scan செய்து அவற்றை நல்ல நிலைக்கு Recovery செய்யும். இந்த இரண்டாவது option சேர்த்து click செய்தால் Check Disk க்கு மிக நீண்ட நேரம் எடுத்துக் கொள்ளும். ஆனால் இது மிகவும் பயனுள்ள ஒன்று. நேரம் ஆனாலும் இதையும் செய்வது நலம்.

4.இப்போது கிளிக் செய்து விட்டு Start என்பதை கொடுக்கவும். இப்போது அடுத்த Window வரும்.

உங்கள் C Drive தான் உங்கள் கம்ப்யூட்டரை இயக்கிக் கொண்டுள்ளது எனவே இதனை இப்போது செய்ய முடியாது எனச் சொல்லி, அடுத்த முறை கம்ப்யூட்டர் Start ஆகும் போது செய்யவா எனக் கேட்கும். அதற்கு வட்டமிடப்பட்டுள்ளதை கொடுத்து விடவும். இப்போது உங்கள் கம்ப்யூட்டரை Restart செய்யவும். இப்போது Check Disk வேலைகள் ஆரம்பிக்கும்.

5.இந்த வேலை முடியும் வரை கம்ப்யூட்டர் OFF ஆகக் கூடாது எனவே சரியான நேரத்தில் இதை செய்யுங்கள்.மோசமான பகுதிகளை கம்ப்யூட்டர் Bad Sector என்று முடிவு செய்து கொள்ளும், இதனால் பிரச்சினை எதுவும் இல்லை. இது முடிந்தவுடன் உங்கள் Hard Disk இன் பிரச்சினைகள் சரி செய்யப்பட்டு விடும். உங்கள் Hard Disk குறித்த விவரங்கள் Check Disk முடிந்த உடன் காண்பிக்கப் படும்.

6.மற்ற Drive களை Check Disk செய்யும் போது அது கம்ப்யூட்டர் ON ஆகி இருக்கும் நேரத்திலயே செய்ய முடியும். ஆனால் C ட்ரைவை (அல்லது நீங்கள் OS இன்ஸ்டால் செய்துள்ள ட்ரைவ் ) Check Disk க்கு உள்ளாக்குவதுதான் Hard Disk க்கு பயனுள்ளது.

உங்கள் Hard Disk ஐ பரமரிப்பது உங்கள் கடமை. எனவே முதலில் chkdsk (check Disk )செய்யுங்கள். உங்கள் Hard Disk ஐ காப்பாற்றுங்கள்.

 

Via 

குழந்தைகளை வளர்க்கும் பெற்றோர்கள் அவசியம் படிக்க வேண்டியது !

சமீபத்தில், என் நண்பர் வீட்டிற்கு சென்றிருந்தேன். அவருடைய மூன்று வயது குழந்தை, பிரிஜ்ஜிலிருந்து இரண்டு லிட்டர் கோக் பாட்டிலை எடுக்க முயன்ற போது, கை தவறி, கீழே விழுந்து, அதிலிருந்த கோக் முழுவதும் கொட்டி விட்டது. நண்பரின் மனைவி, தன் குழந்தையை கண்டித்து அடிக்கப் போகிறார் என்று நினைத்து, நான் பயந்து கொண்டிருந்தேன்; ஆனால், நடந்ததோ வேறு...

"பளுவை தூக்கறதுக்கு அப்படி தான் முயற்சி பண்ணணும். கொட்டினது பரவாயில்லை. அதில கொஞ்ச நேரம் உன் இஷ்டத்துக்கு விளையாடிக்கோ...' என்றார். குழந்தையும் அதில் கைகளை அலசி விளையாட ஆரம்பித்தது. சிறிது நேரத்திற்குப் பிறகு, "இதை கொட்டினது யாரோ, அவங்க தான் துடைக்கணும். இந்த சின்ன டவலால கவனமா துடைச்சுடு...' என்று, குழந்தையிடம் டவலை கொடுத்தாள். தன்னிடம் முழுப் பொறுப்பும் ஒப்படைக்கப்பட்ட பெருமை முகத்தில் ததும்ப, அந்த குழந்தை தரையை சுத்தமாக துடைத்து, பெருமிதத்துடன் அம்மாவைப் பார்த்தது. அதோடு, "இதே பாட்டில்ல குழாயிலிருந்து முழுதும் தண்ணி பிடிச்சு, கொட்டாம பிரிஜ்ஜில கொண்டு வைக்க இப்ப பழகிக்கோ...' என்று சொல்லி, குழந்தையை குழாயின் அருகில் அழைத்துப் போனார்.

அந்த தாயை நான் ஆச்சரியத்துடன் பார்த்தேன்.

"குழந்தைகளை வளர்க்கும் முறைகளை விளக்கும் ஒரு புத்தகத்தில் படித்ததை, நான் நடைமுறையில் பயன்படுத்துகிறேன். இந்த முறைகளை பின்பற்றுவதால், குழந்தை, தான் செய்த தவறை உணர்கிறது. தவறு செய்தால், துடைப்பது போன்ற தண்டனையை தான் அனுபவிக்க வேண்டும் என்று மென்மையாக குழந்தையை உணர வைக்க முடிகிறது. மீண்டும், அதே தவறை செய்யாமலிருக்க, பெற்றோராகிய நாம் தான் குழந்தையை பழக்க வேண்டும். அதற்கு தான் குழாயில் தண்ணீர் பிடித்து பழகச் சொன்னேன்...' என்று, அவர் விளக்கிய போது, ஒவ்வொரு பெற்றோரும் குழந்தைகள் வளர்ப்பில் இம்மாதிரி மென்மையான முறைகளை பின்பற்றலாமே என்று தோன்றியது. புத்தகங்களை படித்தால் மட்டும் போதாது... படிக்கும் நல்ல விஷயங்களை, தக்க தருணத்தில் நடைமுறைப்படுத்தவும் தெரிந்திருக்க வேண்டும் என்ற உண்மை புரிந்தது.


via - அன்பென்றாலே அம்மா

உங்கள் வீட்டில் நோயுற்றவர்கள் இருக்கிறார்களா?

 

 

அமாவாசை-பௌர்ணமியின் விஞ்ஞானம் தெரியுமா உங்களுக்கு?ஒரு நோயாளியை பார்க்கும்போது நீங்கள் எப்படி இருக்க வேண்டும் என்று குழப்பம் வந்துள்ளதா?ஆன்மீகம் பகுத்தறிவுக்கு அப்பாற்பட்டதா என்னும் சந்தேகமும் எழுந்துள்ளதா?இந்த கேள்விகளுக்கு சத்குரு தரும் சுவாரஸ்யமான பதில்கள் இங்கே!

---

கேள்வி

மற்ற நாட்களைவிட அமாவாசை, பௌர்ணமி நாட்களுக்கு மட்டும் ஏன் இத்தனை மகத்துவம்?

சத்குரு:

அமாவாசை, பௌர்ணமி நாட்களில் எல்லாவற்றையும் மேல் நோக்கி இழுக்கும் சந்திரனின் ஈர்ப்பு சக்தியானது பூமியின்மீது கூடுதலாக இருக்கும். மனநிலையில் சமநிலையற்றவர்கள் இந்தச் சக்தியைச் சமாளிக்க முடியாமல் அதிகப்படியாகத் தடுமாறுவதை நீங்கள் கவனித்திருக்கலாம்.
மகிழ்ச்சியாக இருப்பவர்கள் மேலும் மகிழ்ச்சி அடைகிறார்கள். துக்கமாக இருப்பவர்கள் கூடுதலாக வேதனை கொள்கிறார்கள். அமைதியாக இருப்பவர்கள் மேலும் அமைதியாகிறார்கள்.
இந்த ஈர்ப்பு சக்தியால் கடல் பொங்கி மேலே எழுவதைக் கண்கூடாகக் காணலாம். உங்கள் உடலில் உள்ள ரத்தம்கூட மேல்நோக்கிச் சுண்டி இழுக்கப்படுகிறது.
தங்கள் சக்தியை மேல்நோக்கிச் செலுத்தப் பலவித முயற்சிகளில் ஈடுபடும் சாதகர்களுக்கு இந்த இரண்டு நாட்களும் இயற்கை அருளும் வரப்பிரசாதம்!

கேள்வி

நோயாளிகளைப் பார்க்கும்போது, எனக்குள் ஒரு குழப்பம் உண்டாகிறது. முகத்தை சோகமாக வைத்துக்கொள்ள வேண்டுமா? அல்லது இயல்பாக உற்சாகமாக இருக்கலாமா?

சத்குரு:

வேதனையில் இருப்பவர்களுக்கு உற்சாகமூட்டுவதுதானே நியாயம்? நீங்களும் முகத்தைத் தூக்கி வைத்துக்கொண்டு, அவர் வேதனையை அடிக்கோடிட்டுக் காட்டுவதில் என்ன அர்த்தம்?உடல்நலமின்றி இருப்பவர்களைச் சந்திக்கப் போகும் பெரும்பாலானவர்கள் இந்தத் தவறைத்தான் செய்கிறார்கள். நோய் முகம் நோயுற்று இருப்பவருக்கு, அவரைச் சுற்றி ஆரோக்கியமற்ற சோகமான சூழல் இருந்தால், அது எப்படி உதவி புரிய முடியும்?உற்சாகமான ஆரோக்கியமான சூழலை ஏற்படுத்தித் தருவதுதானே புத்திசாலித்தனம்? அதுதானே அவர் விரைவில் நலம்பெற துணைபுரியும்?
நோயுற்று இருக்கும்போது, தன்னைச் சுற்றியுள்ளவர்கள் சந்தோஷங்களைப் புதைத்துவிட்டு தன்னைப் போல் வேதனைகளோடு வளைய வரவேண்டும் என்று எதிர்பார்ப்பவருக்கு நோய் உடலில் மட்டுமல்ல, மனதிலும் இருக்கிறது.

கேள்வி

ஆன்மீகம், பகுத்தறிவுக்கு அப்பாற்பட்டதா?

சத்குரு:

ஆன்மீகம் என்பதை யாருக்கோ என்னவோ நடப்பதாக ஏன் நினைக்கிறீர்கள்? ஆன்மீகம் என்பது உங்களைப்பற்றியது. நீங்கள் என்பது ஓர் உண்மை நிலை!குறிப்பிட்ட சில விஷயங்களுக்கு, உங்களுடைய பகுத்தறிவால் விளக்கம் கொடுக்கமுடியாமல் போகும்போது, அவற்றைப் பகுத்தறிவுக்கு அப்பாற்பட்டவை என்று தீர்மானித்துவிட்டீர்கள்.
உங்கள் குடும்பம், உங்கள் செல்வம், உங்கள் கல்வி, உங்கள் மனம், உங்கள் உடல் இவையெல்லாம் நீங்கள் இந்த பூமியில் வந்து சேகரித்தவை. நீங்கள் என்று நான் குறிப்பிடுவது, நீங்கள் இப்படிச் சேகரித்தவற்றை அல்ல. அதற்கும் உள்ளே, உங்கள் அடிப்படையாக விளங்குவதை நீங்கள் என்று உணரும் அனுபவமே ஆன்மீகம்!
சுருக்கமாகச் சொன்னால், உங்களைப் பற்றியது ஆன்மீகம். உங்கள் அனுபவத்தில், நீங்கள் என்பது எவ்வளவு உண்மையோ, அவ்வளவு உண்மை ஆன்மீகமும்!

Via http://tamilblog.ishafoundation.org/

இரத்த சோகைக்கு நிரந்தர தீர்வு

இயற்கையின் வரப்பிரசாதமான தேன் இரத்த சோகைக்கு நிரந்தர தீர்வை தரும்.

நாள்தோறும் 100 கிராம் தேன் கலந்த பானம் பருக வேண்டும்.

ஏதாவதொரு பானத்துடன் சேர்த்து (பால், தண்ணீர்) சுமார் ஆறு வாரம் அருந்தி வருவதால் இரத்தத்தில் இரத்த சிவப்பணு (ஹீமோகுளோபின்) அதிகரித்து இரத்த சோகை நீங்கும்.

மேலும் உடல் அழகையும், குரல் இனிமையையும் பெருக்கும் குணம் தேனிற்கு உண்டு.

 

Via மைலாஞ்சி ( Mylanchi )

 

புளிச்சக்கீரையின் மருத்துவ குணங்கள்

புளிச்சக்கீரைக்கு காசினிக் கீரை என்ற மற்றொரு பெயரும் உண்டு.
புளிச்சக் கீரையில் வைட்டமின் “ஏ”யும் தாது உப்புக்களும் குறிப்பிடத்தக்க அளவில் இருக்கின்றன.

இக்கீரை உடம்புக்கு குளிர்ச்சியையும் செரிமான சக்தியையும் தருவதுடன் பித்தத்தையும் தணிக்கிறது. குடற்புண், மூத்திர நீரை வெளியேற்றுதல், இதய நோய், நரம்பு சம்பந்தப்பட்ட நோய்களைத் தவிர்ப்பதுடன், இரத்த அழுத்தத்தையும் குறைக்கிறது. மலத்தை இளக்குகிறது. இக்கீரையின் புளிப்புத் தன்மையால் சிணுக்கு இருமல், மந்தம் நீங்கி, காய சித்தியும், வீரிய சக்தியும் உண்டாக்குகிறது. மேலும் வாத நோய் ருசியின்மை, சீதளம், இரத்தப் பித்த ரோகம், கரப்பான் வீக்கம் முதலிய நோய்களையும் நீக்கும். இந்தப் பூக்களைப் பிழிந்த சாற்றுடன் மிளகும், சர்க்கரையும் சேர்த்துச் சாப்பிட, அரோசிகம், பித்த வாந்தி முதலிய நோய்களை நீக்கலாம். இவ்விதையின் எண்ணெயை வீக்கங்களுக்கும் ஊமைக் காயங்களுக்கும் தடவ வலி நீங்கும்.

இந்தக் கீரையைத் துவையலாகவும், சட்டினியாகவும் அதிகமாகப் பயன்படுத்துகின்றனர். பொரியல், மசியல், குழம்பு போன்ற வேறு முறைகளிலும் இதைச் சமைக்கலாம்.

Via இயற்கை அளிக்கும் நிவாரணங்கள்

கீதையின் 8ம் அத்தியாயத்திலிருந்து சில வைரங்கள்

அர்ஜுனன் சொல்லுகிறான்: உயர் புயத்தோய், கண்ணா, கேசியைக் கொன்றாய் சந்நியாசத்தின் இயல்பையும் தியாகத்தின் இயல்பையும் பிரித்துக் கேட்க விரும்புகிறேன்.

ஸ்ரீ பகவான் சொல்லுகிறான்: விருப்பத்தால் செய்யப்படும் சலுகைகளைத் துறப்பது சந்நியாசமென்று புலவர் தெரிவித்துளர். எல்லாவிதச் செயல்களின் பலன்களையுந் துறந்துவிடுதல் தியாகமென்று ஞானிகள் கூறுவர்.
சில அறிஞர், செய்கையைக் குற்றம் போலே கருதி விட்டுவிடவேண்டும் என்கிறார்கள். வேறு சிலர், வேள்வி, தானம், தவம் என்ற செயல்களை விடக்கூடாது என்கிறார்கள்.
பாரதரில் சிறந்தவனே, புருஷப் புலியே, தியாக விஷயத்தில் நான் நிச்சயத்தைச் சொல்லுகிறேன்; கேள், தியாகம் மூன்று வகையாகக் கூறப்பட்டது.
வேள்வி, தானம், தவம் என்ற செயல்களை விடக் கூடாது. அவற்றைச் செய்யவே வேண்டும். வேள்வியும் தானமும், தவமும் அறிவுடையோரைத் தூய்மைப்படுத்துகின்றன
ஆனால் பார்த்தா, இச் செயல்களைக்கூட ஒட்டின்றியும், பயன்களை வேண்டாமலும் செய்ய வேண்டும் என்பது என் உத்தமமான நிச்சயக் கொள்கை.

நியமத்தின் படியுள்ள செய்கையைத் துறத்தல் தகாது. மதிமயக்கத்தால் அதனை விட்டுவிடுதல் தமோ குணத்தால் நேர்வதென்பர்.
உடம்புக்கு வருத்தம் நேருமென்ற பயத்தால் ஒரு செய்கையைத் துன்பமாகக் கருதி, அதனை விட்டு விடுவோன் புரியும் தியாகம் ரஜோ குணத்தின் பாற்பட்டது. அதனால் அவன் தியாகப் பயனை அடையமாட்டான்.
நியமத்துக் கிணங்கிய செய்கையை, ‘இது செய்தற்கு உரியது’ என்னும் எண்ணத்தால் செய்து, அதில் ஒட்டுதலையும் பயன் வேண்டலையும் ஒருவன் விட்டுவிடுவானாயின் அவனுடைய தியாகமே சாத்விகம் எனப்படும்.

சத்வ குணத்திலிசைந்து மேதாவியாய், ஐயங்களையறுத்த தியாகி இன்பமற்ற செய்கையைப் பகைப்பதில்லை. இன்பமுடைய செய்கையில் நசை யுறுவதில்லை.

(மேலும்) உடம்பெடுத்தவனால் செய்கைகளை முழுதுமே விட்டுவிட முடியாது. எவன் செய்கைகளின் பயனைத் துறக்கிறானோ, அவனே தியாகி யெனப்படுவான்.
வேண்டப்படாதது, வேண்டப்படுவது, இரண்டும் கலப்பானது என மூன்று வகைப்பட்ட கர்மப் பயன்களைத் தியாகிகளல்லாதோர் இறந்த பின்னர் எய்துகின்றனர். சந்நியாசிகளுக்கு எங்கும் பயன் கிடைப்பதில்லை.

 

 Via தர்மத்தின் பாதையில்

 

வாசியோகம்!(பகுதி3)

நமது மனித சரீரத்தில் இருமூக்குத் துவாரங்களின் மூலமாக மனித உடம்பினுள்ளும் வெளியிலும் சென்று வரும் மூச்சுக் காற்றாகும்.இவ் வாயுவானது தாயின் கற்பத்தில் சிசு தரித்த கணம் முதல் இறப்பு வரை இயல்பாகவே நடந்து வருதலாகும்.

இம்மூச்சு நின்று விட்டால் உயிர் போய் இறப்பு நிலை உண்டாகி விடும் என்பது அனைவருக்கும் தெரிந்த ஒன்றாகும்.இத்தகைய ஆற்றல் மிக்க பிராணவாயுவானது கட்டுப்பட்டு நிற்பதற்கே பிராணாயாமம் என்று பெயராகும்.

பிராணன்-ஆயாமம்---பிராணாயாமம் ஆகும்.பிராணன் என்றால் வாசியாகிய மூச்சுக் காற்று என்றும் ஆயாமம் என்றால் கட்டுப் படுத்துதல் என்றும் பொருள் படும்.எனவே தான் இப்பயிற்சியைப் பிராணாயாமம் என்று சொல்லி உள்ளனர்.

நமது மனித உடம்பில் இப்பிராண வாயுவானது தத்துவார்த்த ரீதியாக லலாட மத்தியாகிய புருவ மத்தியில் தோன்றி ஒவ் என்று மூலாதாரத்திற் குதித்து அவ் என்று நாபித் தானத்தில் முட்டி சவ் என்று இடை பிங்கலைகளின் வழியிலோடி நாசியிற் 12அங்குலம் புறப்பட்டு 4அங்குலம் களன்று (பாழாகப் பாய்ந்து)8அங்குலம் மீண்டும் வந்து இவ் உடம்பினுள் புகுந்து நிற்பதாகும்.

இது; 60 நாழிகையாகிய ஒரு நாளைக்கு 360-60-21600சுவாசம் இயங்குகிறது.இந்த 21600 நாழிகையே ஒரு வருடம் ஆகும்.21600ஐ80ஆல் பெருக்க (21600-80-1728000)வரும் தொகையே கிரேதாயுகமாகும்.
இதை60ஆல் பெருக்க(21600-

இதுவும் நாழிகை 1க்கு 360 சுவாசம் வீதம1296000)வருவது திரேதாயுகமாகும்.40ஆல் பெருக்க வரும் தொகை (21600-40-864000)துவாரபரயுகமாகும்.20ஆல் பெருக்க வரும் தொகை (21600-20-432000)கலியுகமாகும் எனச் சித்தர் பெருமக்கள் அனுபவப் ப+ர்வாங்கமாகச் சொல்லியருளி உள்ளனர்.

இவைகள் ஜோதிட சாஸ்திரத்திற்கு வித்தாகும்.இதை மையமாக வைத்தே பஞ்சப+தத் தத்துவ அடிப்படையில் நாடி ஜோதிடக் கிரந்தங்களும்,பிற ஜோதிட நூல்களும் அவற்றின் பலாபலன்களும் ஞானிகளால் நமக்காகக் கண்டறிந்து சொல்லப் பட்டுள்ள பொக்கிசங்களாகும்.

இது பற்றிப் பின்னால் தெளிவாக விளக்கி எழுதுகிறோம்.இப்படி 21600 சுவாசத்தில் 7200சுவாசம் 4அங்குல அளவில் பாழாகப் பாய்ந்து14400
சுவாசம் உள்ளே புகும்.

இதில் மூலாதாரத்தில் 600 சுவாசம்,சுவாதி~;டானத்தில் 6000சுவாசம்,மணிப+ரகத்தில் 6000 சுவாசம், அநாகதத்தில் 6000 சுவாசம்,விசுத்தியில் 1000 சுவாசம்,ஆக்ஞையில்1000 சுவாசம்,
நாதாந்தத்தில்1000 ஆக 21600 சுவாசம் இயங்குகிறது.இதில் பாழாகப் பாய்ந்து போகிற 7200சுவாசத்தை மீண்டும் இச் சரீரத்தில் புகச்
செய்யும் முறையே இவ் வி,J யோகத்தின் முக்கியக் குறிக்கோளாகும்.

பற்றியே சிவவாக்கியச் சித்தர் தமது நூலில் மிகத் தெளிவாகக் கூறிஉள்ளார்.

“உருத் தரித்த நாடியில் ஒடுங்குகின்ற வாயுவைக்
கருத்தினால் இருத்தியே கபாலம் ஏற்ற வல்லிரேல்
விருத்தரும் பாலராவர் மேனியும் சிவந்திடும்
அருட்தரித்த அப்பனாணை அம்மையாணை உண்மையே.”

இதன்படிச் சூரிய சந்திர கலைளாகிய இரு நாடிகளையும் ஒன்று சேர்த்து மூலாதாரத்திற் சென்று முட்டுகிற போது வாயுவானது கபாலத்தைப் பற்றி நின்று அக்கினி உண்டாகி யோக ககி கூடும் போது வயது நிறைந்த முதியவரும் குமரனாகி அளவில்லாத ஆயுட் பேற்றை அடைந்து யோக சித்தி பெறுவர்.

தியானம்

ஐந்து புலன்களுக்கும் மேலாக ஆறகவதாக இருப்பதுவே மனம் ஆகும்.பல்வேறு விதமாக எப்போதும் அலை பாய்ந்து கொண்டிருப்பதுவே இம் மனம் ஆகும்.

இவ்வாறு அலை பாய்ந்து திரியும் இம் மனத்தினை ஒரு கட்டுப் பாட்டிற்குள் கொண்டு வந்து மன மற்ற இடத்தில் இருக்கச் செய்வதற்கான முறைகளே தியானமாகும்.இம் மனமானது மனித உடம்பினுள் வெகு சூட்சுமப் பொருளாக இயங்குகிறது.

இதனை பல்வேறு நிலைகளில் சிதற விடாமல் ஒருமுகப்பட்டு நிறுத்துகின்ற போது அதி அற்புதமான ஆற்றல் மிகுந்த சக்திகளை மனிதன் அடைகிறான் என்பதனை இன்றுவரை முன்னோர்கள் காலம் தொட்டு நமது அநுபவப் பூர்வமாக கண்டு வருகிறோம்.இந்த மனதம் அடங்க முதலில் ஆசைகளை அடக்க வேண்டும்.ஆசைகளானது கட்டுப் படப்பட மனமடங்கும்.

இதையே திருமூலர் என்ற மஹரிஷி தமது நூலில் கூறி உள்ள பாடலைக் கவனிக்கவும்.
பாடல்:-“ஆசை அறுமின் ஆசை அறுமின்
ஈசனோடாயினும் ஆசையறுமின்
ஆசைப் படப்பட ஆய்வரும் துன்பம்
ஆசை விடவிட ஆனந்தந்தானே.”----எனவே இத்தகைய ஆசைகளை அடக்க வல்ல வழி முறைகளையும் அதனால் கட்டுப் பாட்டிற்குள் வரும் மனதிற்கும் உள்ள பயிற்சி முறைகள் எட்டு நிலைக்களங்களாகப் பிரிக்கப் பட்டுள்ளன.

இவை யோக சாதனங்களுக்கு உரிய எட்டு விதமான அங்கங்களாகும்.

அவைகள் முறையே---1;இயமம்,2.நியமம்,3.ஆசனம,;4.பிராணாயாமம், 5.பிரத்தியாகாரம்,6.தாரணை,
7.தியானம்,8.சமாதி-என்பனவாகும்.

1.இயமம்:-மனத்தை தீயவற்றுள் செல்ல விடாது கட்டுப்பாடுடன் இருத்தல்.

2.நியமம்:-மனத்தை நல்வழிக்குச் செலுத்தி அதன்படி நடத்தல்.

3.ஆசனம்:-யோகாப்பியாசம் செய்வதற்குறிய இருக்கை.

4.பிராணாயாமம்:-மூச்சுக் காற்றையும்,பிராண சக்தியையும் ரேசக,ப+ரக,கும்பகத்தால் கட்டுப் படுத்தி மனத்தை ஒரு நிலைப் படுத்துதல்.

5.பிரத்தியாகாரம்:-மனமானது ஐம்புலன்களின் சாராம்சமான சத்த,ஸ்பரிச,ருப,ரஸ கந்தாதிகள் வழியாக வெளியே புறவுலகில் செல்லவிடாது ஆமையைப் போல் அடங்கி நிற்றல்.

6.தாரணை:-பஞ்சேந்திரியங்களின் வழியாகப் புறவுலக நாட்டம் தவிர்த்து மனதை ஒரு குறியில் நிற்கச் செய்தல்.

7.தியானம்:-குறிப்பிட்ட ஒரு இடத்தில் மனம்,புத்தி மற்றும் புலாதிகளை நிற்கச் செய்தல்.

8.சமாதி:-மனமும்,உயிரும்,96 தத்தவங்களும் இறை வாழுமிடமாகிய சகஸ்ரதள கமலத்தில் இறைவனோடு இரண்டரக் கலந்து நிற்கப் பெறுவதாம்.

இங்ஙனம் அட்டாங்க யோக நெறியிற் செல்ல தன்னை வழி நடத்திச் செல்ல வேண்டும்.

தொடரும்!

அர்ச்சனை பொருட்களும்,அவற்றின் அர்த்தங்களும்

நாம் அனைவ்ரும் கோயிலுக்கு செல்லும்போது,தெய்வத்திற்கு அபிஷேகத்திற்காகவும்,அர்ச்சனை செய்யவும் பூஜை பொருட்கள் வாங்கிசெல்வோம்.ஆனால் நாம் வாங்கி செல்லும் பூஜை பொருட்கள்,எதற்க்காக வாங்குகின்றோம் அதன் அர்த்தமும்,தத்துவமும் என்னவென்று நம்மில் பலருக்கு தெரியாது.சில பூஜை பொருட்களுக்கான அர்த்தத்தையும்,தத்துவத்தையும் சொல்கிறேன்.

தேங்காய்:

  தேங்காயின் ஓடு மிகவும் வலுவாகவும்,கடினமாகவும் இருக்கும்.அதை இரண்டாக உடைக்கும்போது வெண்மையான தேங்காய் பருப்பும்,இனிமையான தண்ணீரும் கிடைக்கின்றது.அதுபோல் அகம்பாவம் என்னும் ஓட்டை உடைக்கும்பொழுது வெண்மையான மனமும்,அதிலிருந்து உருவாகும் எண்ணங்கள் இனிமையாகவும்,அன்பாகவும் இருக்கும்.

விபூதி(திருநீரு):

 
சாம்பலின் மறுபெயரே விபூதி ஆகும்.நாமும் இதுபோல் ஒரு நாளைக்கு சாம்பல் ஆகப்போகிறோம் ஆதலால் நான் என்ற அகம்பாவமும்,சுயநலம்,பொறாமை இருக்ககூடாது என்ற எண்ணத்தையும்,சிந்தனையும் நமக்கு உணர்த்தவே,விபூதியை நெற்றியிலும்,உடம்பிலும் பூசிக்கொள்கிறோம்.

வாழைப்பழம்:

 
வாழைப்பழத்தின் நடுவே கருப்பு கலரில் மிகச்சிறியதாக விதைகள் இருக்கும்.ஆனால் முளைக்காது.ஏனென்றால் உலகத்தில் உள்ள எந்த வாழைப்பழ விதையும் பெரும்பாலும் முளைக்காது.ஆதலால் எனக்கு இந்த பிறவியிலேயே முக்தியை கொடு வேறு பிறவி வேண்டாம் என அருள் பெறவே வாழப்பழத்தை இறைவனுக்கு சமர்ப்பிக்கிறோம்.

அகல் விளக்கு:

 
ஒரு மின்சார விளக்கினால் மற்றோரு மின்சார விளக்கை ஒளிர வைக்கமுடியாது ஆனால் ஒரு அகல் விளக்கினால் மற்றோரு அகல் விளக்கை ஒளிர வைக்கமுடியும்.அதுபோல் நாம் வாழ்ந்தால் மட்டும் போதாது,அடுத்தவரையும் வாழ வைக்கவேண்டும் என்பதை நாம் உணர்ந்துகொள்ளவே அகல் விளக்கை ஏற்றுகின்றோம்.

அன்புடன் பட்டுக்கோட்டை ஜோதிடர் சுப்பிரமணியன்.