கடவுளின் மாபெரும் பரிசு நண்பர்கள்

 

பேச்சுத் துணைக்கு சில நண்பர்கள் வேண்டும்

பேசும்போது பேசாமல் இருக்க சில நண்பர்கள் வேண்டும்

துன்பங்களைப் பகிர்ந்துகொள்ள சில நண்பர்கள் வேண்டும்

தூங்கும் போதும் காத்திருக்க நல்ல சில நண்பர்கள் வேண்டும்

நடைபயிற்சிக்குதுணையாக  சில நண்பர்கள் வேண்டும்

நல்லது கெட்டது சொல்ல சில நண்பர்கள் வேண்டும்

 பயணங்களின் போது பேசி மகிழ சில நண்பர்கள் வேண்டும்

படித்ததில் சிலவற்றை பகிர்ந்து கொள்ள சில நண்பர்கள் வேண்டும்

அறிவுரை சொல்ல சில நண்பர்கள் வேண்டும்

அன்பே உருவான சில நண்பர்கள் வேண்டும்

 ஆற்றல் நிறைந்த சில நண்பர்கள் வேண்டும்

ஆலயங்களுக்கு செல்ல சில நண்பர்கள் வேண்டும்

 அடித்து திருத்த சில நண்பர்கள் வேண்டும்

அணைத்துக் கொள்ள சில நண்பர்கள் வேண்டும்

குடும்ப உறவாக சில நண்பர்கள் வேண்டும்

 குதூகலமாய் இருக்க சில நண்பர்கள் வேண்டும்

 கொடுப்பதற்கு  சில நண்பர்கள் வேண்டும்

 கேட்பதற்கு  சில நண்பர்கள் வேண்டும்

 தடுத்து நிறுத்த சில நண்பர்கள் வேண்டும்

 தட்டிக்கொடுக்க சில நண்பர்கள் வேண்டும்

 புகழ்ந்து பேச சில நண்பர்கள் வேண்டும்

புரட்சிகள் செய்யும் சில நண்பர்கள் வேண்டும்

 பொறுமை மிகுந்த சில நண்பர்கள் வேண்டும்

பொறுப்பான  சில நண்பர்கள் வேண்டும்

புண்ணியம் செய்கின்ற சில நண்பர்கள் வேண்டும்

புறம் பேசாத நண்பர்கள் வேண்டும்

 படைத்தலைவன் போல் சில நண்பர்கள் வேண்டும்

 படித்ததை சொல்ல சில நண்பர்கள் வேண்டும்

 பாசத்தை கொட்ட சில நண்பர்கள் வேண்டும்

பக்குவமாய் எடுத்துச் சொல்ல சில நண்பர்கள் வேண்டும்

ஓடி விளையாட சில நண்பர்கள் வேண்டும்

 உதவி என்றால் ஓடோடி வர சில நண்பர்கள் வேண்டும்

உயிருக்கு உயிராய பழகிட சில நண்பர்கள் வேண்டும்

 இவை அனைத்தும் கலந்த ஒரு நண்பன் எப்போதும் உடன் வேண்டும்

அது யார் என்று  நீங்கள் அறிய வேண்டும்

அந்த நட்பை எந்நாளும் போற்றி தொடர்ந்திட வேண்டும்🙏

நன்றி இணையம்

❤️❤️தந்தையர் தினம்❤️❤️

 

தாயின் அன்புக்கு நிகரானது தந்தையின் பாசம் என்றால் அது மிகையாகாது. குழந்தையை கருவில் சுமந்து பெற்றெடுப்பது தாய் என்றால், நாள் எல்லாம் நெஞ்சில் சுமப்பவர் தந்தை.

அம்மாவின் அன்பை கண்கூட பார்க்கும் நாம் தந்தையின் அன்பை அவரின் கண்டிப்பிலும், அக்கறையிலும் பார்க்கலாம்.

குழந்தையின் ஆரோக்கியம் மீது தாய் கவனம் செலுத்துவது போல, அதன் முன்னேற்றத்திற்காக ஆயுள் முழுவதும் உழைப்பவர் தந்தை மட்டுமே...

அடுத்தவர்களின் ஆனந்தத்திற்காக, தங்கள் ஆயுள் முழுவதும் அர்ப்பணித்தவர்களில் தந்தைகளுக்கு முக்கிய இடம் உண்டு.

 தந்தையர்களை பெருமைப்படுத்தும் ஒரு நாள் தான் சர்வதேச தந்தையர் தினம்.

ஒவ்வொரு ஆண்டும் ஜூன் மாதம் மூன்றாம் ஞாயிற்றுக்கிழமை சர்வதேச தந்தையர் தினமாக அனுசரிக்கப்பட்டு வருகிறது. அதன்படி இன்று தந்தையர் தினம் கொண்டாடப்படுகிறது.

தெய்வங்கள் எல்லாம் தோற்றே போகும் தந்தை அன்பின் முன்னே! என்ற பாடல் வரிகளுக்கு ஏற்ப தன்னை நம்பி வந்த மனைவிக்காகவும், உயிராக நேசிக்கும் குழந்தைக்காகவும் தந்தை செய்யும் தியாகங்கள் ஏராளம்

தந்தையின் அன்பு எப்போதும் ஓர் ரகசியமாகவே மறைந்துவிடுகிறது.

 எவ்வளவு தான் கண்டிப்பை காட்டிலும், பிறரிடம் தன் குழந்தைகளை பற்றி எப்போதும் பெருமையாகவே பேசுவார்.

தான் படிக்காவிட்டாலும் நம் குழந்தைகள் நம்மை போல கஷ்டப்படக்கூடாது என்று எண்ணி குழந்தைகளை படிக்க வைத்து ஆளாக்க வேண்டும் என்று கஷ்டங்களை இஷ்டமாக நினைத்து உழைப்பவர்கள் அப்பாக்கள் மட்டுமே.

குழந்தைகளுக்கு முதல் ஹீரோ எப்போதும் அப்பாதான்!! ......

குழந்தைகளுக்கு துன்பத்தில் நண்பனாகவும், அறிவுரை சொல்வதில் ஆசானாகவும் குழந்தைகளின் வாழ்க்கையில் ஒளிச்சுடராக இருப்பவர்கள் தந்தைகள்.

தன் குடும்பத்திற்காகவும், குழந்தைகளுக்காகவும் வாழ்நாள் முழுவதும் ஓடிக் கொண்டிருக்கும் தந்தைகளுக்கு, தந்தையர் தின நாளில் பரிசுகளையும், வாழ்த்துக்களையும் சொல்லி மகிழ்விப்போம

நீங்கள் உங்கள் தந்தைக்கு வாழ்த்து தெரிவியுங்கள். அவருடன் சிறிது நேரம் செலவளியுங்கள். அவரின் மனதிற்கு பிடித்த இடத்திற்கு அழைத்துச் செல்ல முயற்சி செய்யுங்கள்

 தாய் நம் உயிர் என்றால், தந்தை நம் உடல். இரண்டில் எது பிரிந்தாலும், நமக்கு வாழ்வில்லை என்பதை புரிந்துகொண்டு அவர்களை சந்தோஷப்படுத்துங்கள்
 
இனிய நாள் காலை வணக்கம்🙏🙏🙏

 

 விடியல் பதிப்பகம் 😁😂

நன்றி இணையம்