படித்ததில் பிடித்தது

1. குடும்பம் என்பது அன்பும் மனைவியும் சுற்றமும் கலந்தது.
- ஜப்பான்

2. குடும்பத்தின் உணவுக்காகவும் உடைக்காகவுமே நாம் இரண்டு கால்களாலும் ஓடித் திரிகிறோம். - சீனா

3. சொர்க்கத்திற்குச் செல்வதற்கான பயிற்சி நிலையமே குடும்பம். - அரேபியா

4. குடும்பத்தில் வாழ்க்கையின் முற்பகுதி இரண்டாம் பகுதியை விரும்புவதிலேயே கழிகின்றது. இரண்டாம் பகுதி முதல் பகுதிக்காக வருந்துவதிலேயே கழிகின்றது. - பிரான்ஸ்

5. மனிதனின் குடும்ப வாழ்க்கை, ஒரு குழந்தையின் கையிலுள்ள முட்டை போன்றது. - ருமேனியா

6. குடும்ப வாழ்க்கையில் எவ்வளவு காலம் நாம் வாழ்ந்தோம் என்பது முக்கியமில்லை; எவ்வளவு நேர்மையாக வாழ்ந்தோம் என்பதே முக்கியம். - இங்கிலாந்து

7. சந்தோஷமாக இருப்பவர்களுக்கு குடும்ப வாழ்க்கை சுருக்கம்; துக்கமாயிருப்பவர்களுக்கு வாழ்க்கை நீண்டது. - கிரீஸ்

8. குடும்பம் என்பது ஓர் ஆடை; அதில் இருவகை நூல்கள் எப்போதும் இருக்கும். ஒன்று நன்மை. மற்றொன்று தீமை.
- ஷேக்ஸ்பியர்

9. குடும்பம் என்பது எளிய வாழ்க்கை; உயர்ந்த சிந்தனை.
- வேர்ட்ஸ்வொர்த்

10. சந்தோஷமான குடும்பங்கள் எல்லாம் ஒரே மாதிரியாக இருக்கின்றன; துக்ககரமான குடும்பம் ஒவ்வொன்றும் வெவ்வேறு மாதிரியாக இருக்கின்றன. - டால்ஸ்டாய்

-தொகுப்பு: நா.கிருஷ்ணவேலு, புதுவை.

நன்றி மைலாஞ்சி ( Mylanchi )

 

'நான் அடுத்த பிறவியில் தமிழனாகப் பிறக்க வேண்டும்.!

மகாத்மா காந்தியடிகள், உலகப் புகழ்பெற்ற எழுத்தாளர் லியோ டால்ஸ்டாய்க்கு ஒரு கடிதம் எழுதினார். அக்கடிதத்தில் 'தம்மைத் துன்புறுத்து வோரையும் தண்டிக்காது மன்னிக்கும் குணம் பற்றித் தாங்கள் கூறியிருக்கும் செய்தி, என்னை மிகவும் கவர்ந்தது' என்று குறிப்பிட்டார்.

கடிதத்தைப் படித்த லியோ டால்ஸ்டாய் மிகுந்த தன்னடக்கத்தோடு, 'இந்தப் பெருமையும், புகழும் எனக்கு உகந்ததல்ல. உங்கள் தேசத்தில், தமிழ்நாட்டில் பிறந்து, திருக்குறள் எனும் அற்புத நூலைப் படைத்த திருவள்ளு வரையே சாரும். இதோ, அப்பொருள் உணர்த்தும் குறள்' என்று ஆங்கிலத்தில் மொழி பெயர்க்கப்பட்ட திருக்குறளைக் குறிப்பிட்டிருந்தார். அந்தக் குறள்...

இன்னா செய்தாரை ஒறுத்தல் அவர்
நாண நன்னயம் செய்து விடல்.

இந்நிகழ்வுக்குப் பின், ஆங்கிலத்தில் மொழி பெயர்க்கப்பட்ட திருக்குறளை காந்தி படித்தார். பின், 'நான் அடுத்த பிறவியில் தமிழனாகப் பிறக்க வேண்டும். ஏன் தெரியுமா? ஆங்கிலத்தில் படிக்கும்போதே... இத்தனை சுவையாக இருக்கிற திருக்குறளின் மூலநூலை தமிழ்மொழியில் படிக்க வேண்டும். அதற்காகவே, நான் ஒரு தமிழனாகப் பிறக்க வேண்டும்' என்றார்..