சில பூக்களின் மருத்துவ குணங்கள்

இலுப்பைப் பூ:

இலுப்பைப் பூவை பாலில் போட்டுக் காய்ச்சி தினம் ஒரு வேளை பருகி வந்தால் தாது விருத்தி ஏற்படும். மேலும் தாகத்தையும் இது விரட்டியடிக்கும்.

ஆவாரம்பூ:

ரத்தத்துக்கு மிகவும் பயன் தரும் ஆவாரம் பூவை உலர்த்தி வேளை ஒன்றுக்கு 15 கிராம் நீரில் போட்டு கஷாயமாக்கி பால், சர்க்கரை கலந்து காப்பியாக பருகிவர உடல் சூடு, நீரிழிவு, நீர்கடுப்பு போன்ற நோய் தீரும். ஆவாரம்பூவை உலர்த்தி கிழங்கு மாவுடன் கூட்டி, உடலில் தேய்த்து குளிக்க வியர்வையினால் ஏற்படும் கற்றாழை நாற்றம் நீங்கும். தோல் வியாதிகளும் குணமாகும்.

அகத்திப்பூ:

அகத்திப்பூவை சுத்தம் செய்து சிறுசிறு துண்டுகளாக்கி பாலில் காய்ச்சி சர்க்கரை சேர்த்து தினமும் சாப்பிட்டு வர சில நாட்களிலேயே உடல் சூடு, பித்த சூடு நீங்கும்.

நெல்லிப்பூ:

நெல்லிப்பூ உடலுக்கு குளிர்ச்சி, இதனுடன் விழுதி இலை, வாத நாராயணா இலை சேர்த்து கஷாயம் வைத்து இரவில் சாப்பிட காலையில் சுகபேதி உண்டாகும். மலச் சிக்கலுக்கும் இது உகந்தது.

மகிழம்பூ:

மகிழம்பூவின் மணம் கண்நோய், தலைவலி, தலை பாரம் போன்ற நோய்களை நீக்கிவிடும்.

தாழம்பூ:

இந்தப் பூவை தலையில் சூடிக்கொண்டால் பேன் மற்றும் வேறு எந்தக் கிருமிகளும் நெருங்காது. இதுதவிர இருதயத்திற்கு வலிமையூட்டி உடலுக்கு வனப்பையும் அதிகரிக்கும்.

செம்பருத்திப்பூ:

இருதய பலவீனம் அடைந்தவர்கள் மற்றும் அடிக்கடி மார்பு வலியால் அவதிப்படுபவர்கள் இந்தப்பூவை தண்ணீரில் போட்டு காய்ச்சி காலையும், மாலையும் குடித்து வந்தால் இருதயம் பலமடையும்.

ரோஜாப்பூ:

இந்த மலரின் மணம் மனதிற்கு மட்டுமின்றி, இருதயத்திற்கும் வலிமை தரக்கூடியது. பாலில் ரோஜா இதழ்களை தூவி குடித்து வந்தால் நெஞ்சில் இருக்கும் சளி நீங்கும். இரத்த விருத்திக்கும் துணை செய்யும் மலர் இது.

வேப்பம்பூ:

சிறந்த கிருமி நாசினி இது. இந்தப் பூ வீட்டில் இருந்தால் சின்னஞ்சிறு கிருமிகள்கூட ஓடிவிடும். உடல் குளிர்ச்சிக்கு ஏற்றது இது.

முருங்கைப்பூ:

ஆண்களுக்கு ஆண்மையை அதிகரித்து தாது பெருக்கம் செய்யும் தன்மையுடையது. வயிற்றில் உள்ள கிருமியை ஒழிக்கக்கூடியது.

மல்லிகைப்பூ:

கண் பார்வையை கூர்மையாக்கும் சக்தி இதற்கு உண்டு. காம உணர்ச்சிகளை தூண்டும் தன்மை உண்டு. கிருமி நாசினியாகவும் செயல்படுகிறது.

கருஞ்செம்பைபூ:

இந்தப் பூவையும், நல்லெண்ணையும் சேர்த்துக் காய்ச்சி தொடர்ந்து குளித்து வந்தால் தலையில் ஏற்பட்ட சீதனத்தை கண்டிக்கும். தலை பாரம், தலைவலி, கழுத்து நரம்புவலி போன்றவையும் நீங்கும்.

குங்குமப்பூ:

கர்ப்பமாக இருக்கும் பெண்கள் ஒரு வேளைக்கு 5 முதல் 10 இதழ்களை இரவு பகல் பாலில் போட்டு காய்ச்சி குடித்துவர சீதள சம்பந்தமான நோய்கள் நீங்கும். பிறக்கின்ற குழந்தை நல்ல திடகாத்திரமாக இருக்கவும் குங்குமப்பூ உபயோகப்படுகிறது.

 

Thanks to FB Karthikeyan Mathan

 

பேஸ் மேக்கர் கருவி பற்றிய தகவல்கள்

மருத்துவ உபகரணமான பேஸ்மேக்கர் (CARDIAC PACEMAKER)மனிதர்களுக்கு செயற்கையாக இதயத்துடிப்பை உண்டாக்க வல்லது. ஆயிரத்துக்கும் அதிகமான உலக மக்கள் பேஸ்மேக்கரைப் பயன்படுத்தி தங்கள் வாழ்க்கையைத் தொடர்ந்து கொண்டிருக்கிறார்கள். அமெரிக்க நாட்டைச் சேர்ந்த வில்சன் கிரேட்பேட்ச் (Wilson Greatbatch) என்பவருக்கு பேஸ்மேக்கரைக் கண்டுபிடித்த புகழ் கிடைத்தது.
வில்சன் கண்டுபிடித்த பேஸ்மேக்கர் உடலின் வெளியே பொருத்தும் வகையில் அமைந்திருந்தது. வில்சனின் கண்டுப்பிடிப்பிற்கு எட்டு வருடத்திற்கு முன்னால், அதாவது 1950 - ஆம் ஆண்டு கனடாவைச் சேர்ந்த ஜாண் ஹோப்ஸ் (John Hopps) என்பவர் முதல் பேஸ்மேக்கரை உருவாக்கினார்.

ஹோப்ஸ் கண்டுபிடித்த பேஸ்மேக்கர் வடிவில் பெரிய அளவில் இருந்ததால் அவர் கண்டுப்பிடிப்பு உலகிற்கு தெரியாமல் போனது. பொறியாளரான வில்சன் கிரேட் பேட்ச் அமெரிக்க ராணுவத்தில் பணிபுரிந்த காலத்தில் உலகப் போருக்குப் பின் மருத்துவ ஆராய்ச்சியில் ஈடுபடத் தொடங்கினார். பின்னர் கார்னெல் பல்கலைக்கழகத்தில் (Cornel university)உயிரியல் துறையில் பணியில் அமர்ந்து விலங்கு பண்ணையில் விலங்குகளின் பழக்கவழக்கங்கள் குறித்த ஆராய்ச்சியில் ஈடுபடத் தொடங்கினார். அமெரிக்க கம்பெனி உருவாக்கிய சிலிகான் டிரான்ஸ்சிஸ்டரை வைத்து விலங்குகளின் இதயத் துடிப்பைப் பதிவுசெய்து கொண்டிருந்தபோது தவறுதலாக இணைக்கப்பட்ட ஒயர்களால் சமச்சீரற்ற இதயத்துடிப்பிலிருந்த விலங்கின் இதயத்தில் சீரான ‘லப்’ ‘டப்’ தாளத்தைக் கண்டறிந்தார்.

பின்னர் தனது முழு கவனத்தையும் செலுத்தி இதயத்தைச் சமச்சீராக செயல்படுத்தும் ஆராய்ச்சிகளை மேற்கொண்டார். பின்னர் மே 7 - ஆம் தேதி 1958 - ஆம் ஆண்டு உடலினுள் பொருத்தும் சிறிய பேஸ்மேக்கரைக் கண்டுபிடித்தார். முதல் பேஸ்மேக்கர் நாயின் உடலினுள் சார்டக் மருத்துவமனையில் (Chardack Hospital) வைத்து பொருத்தப்பட்டது. இந்த ஆராய்ச்சிக்கு வில்சனின் நண்பர்கள்வில்லியம் சார்டாக் மற்றும் ஆன்ட்ரு கேஜ் முழுமையாக உதவி புரிந்தார்கள். ஆனால், இந்தக் கருவி நான்கு மணி நேரமே வேலை செய்தது. பின்னர் பல தவறுகள் சீர் செய்யப்பட்டு லித்தியம் பேட்டரியில் இயங்கும் பேஸ்மேக்கர் உருவாக்கப்பட்டது. வில்சனின் அயராத ஆர்வத்தால் இக்கருவிக்கு காப்புரிமை கிடைத்தது. இன்று, இது பலராலும் பயன்படுத்தப்பட்டு வருகிறது.

 

Thanks to FB Karthikeyan Mathan

 

பாராதைராய்டு நாள மில்லா சுரப்பிகளில் ஏற்படும் நோய்கள் பற்றிய தகவல்கள் !

பாராதைராய்டு நாள மில்லா சுரப்பி (Para Thyroid) ( Para Thyroid Gland) இது ஒரு சிறிய நாளமில்லா சுரப்பிகள். நமது உடலில் மொத்தம் நான்கு பாரா தைராய்டு சுரப்பிகள் உள்ளன. இந்த சுரப்பிகள் தைராய்டு சுரப்பியின் பின்புறத்தில் கழுத்தில் உள்ளது. இந்த சுரப்பிகள் பாரா தைராய்டு ஹார்மோனை (Pth) சுரக்கின்றது.

இந்த ஹார்மோன்கள் நமது உடலின் இரத்தில்(Calcium) கால்சியம் அளவினை கட்டுப்படுத்துகின்றது. சரியான அளவு கால்சியம் (Calcium) இரத்தத்தில் இருப்பது மிகவும் அவசியம், இதில் சிறுமாற்றங்கள் ஏற்பட்டாலும் பல்வேறு விதமான உடல் உபாதைகள் ஏற்பட வாய்ப்பு உள்ளது.

உடலில் பல்வேறு விதமான செயல்பாடுகளுக்கு கால்சியத்தின் அளவு மிக முக்கிய பங்களிக்கிறது, முக்கியமாக நரம்பு, தசை, இருதய செயல்பாடுகளுக்கு கால்சியம்(Culcium) மிகவும் அவசியமானது. நமது உடலில் 99 சதவீதம் கால்சியம் எலும்பில் தான் உள்ளது. பாராதைராய்டு நோயானது 750 பேரில் ஒருவருக்கு வர வாய்ப்பு உள்ளது.

பொதுவாக நடுத்தர வயது உள்ளவர்களையும், பெரும்பாலும் பெண்களை யுமே இந்த நோய் அதிகமாக பாதிக்கின்றது. I Hyper Para Thyroidism(Hyper Parathyroidism) இந்த நோய் பாராதை ராய்டு ஹார்மோன் (PTH) அளவு இரத்தத்தில் அதிகமாக உள்ள நிலை: இந்த வகையான நோய் மக் களிடையே நமது இரத்தத்தில் கால்சியம் (Calcium) அளவு அதிகரிப்பதற்கு இந்த நோய் காரணமாக உள்ளது.

அதிக அளவு கால்சியம்(Calcium) சத்து பல்விதமான உடல் பிரச்சனைகளை உருவாக்கு கிறது. இந்த நோய் புற்றுநோய் அல்ல. இதை அறுவை சிகிச்சை மூலம் குணப்படுத்திவிடலாம். நோயின் அறிகுறிகள்:-

1. உடல் சோர்வு, உடல் வலி, தலைவலி.
2. ஞாபக மறதி, மனச்சோர்வு, மன அழுத்தம் Depression தூக்கமின்மை.
3. எலும்பு வலி, மூட்டு வலி.
4. வயிற்றில் புண், வயிற்று வலி, எடைகுறைதல், மலச்சிக்கல்.
5. சிறுநீரகத்தில் கற்கள் உண்டாகுதல்

பொதுமக்களிடமும் இந்த நோய் பற்றிய விழிப்புணர்வு மிகவும் குறைவாகவே காணப்படுகிறது. நீண்டநாட்கள் கால்சியத்தின் (Calcium) அளவு இரத்தத்தில் அதிகமாக இருந்தால் இதய நோய் (Cardiac Arrythmia) வருவதற்கு வாய்ப்பு அதிகமாக உள்ளது.

II. Hypo Para Thyrodism (Hypo Parathyroidism) இது இரத்தத்தில் கால்சியம் (Calcium) அளவு குறைவாக உள்ள நிலை:- இதுமிகவும் அரிய வகை நோயாகும். இதற்கு வெவ்வேறு காரணங்கள் அதிகமாக இருக்கின்றன. இந்த நோய்க்கு பொதுவாக அறுவை சிகிச்சை முறைகள் தேவையில்லை.

இந்த நோய்களை மருத்துவர்கள் கூறும் மருந்துகளின் மூலமே கட்டுப்படுத்திட முடியும். பாராதைராய்டு கட்டிகள்/ பாராதைராய்டு சுரப்பியில் புற்று நோய் உண்டாகும் நிலை :- இதுமிகவும் அரிய வகை நோயே ஆகும். ஆனால், இந்த நோய் கண்டறியப்பட்டால் அறுவை சிகிச்சை மூலமே இந்த நோயை கட்டுப்படுத்த முடியும்.

 

Thanks to FB Karthikeyan Mathan

 

பேஸ் மேக்கர் கருவி பற்றிய தகவல்கள்

மருத்துவ உபகரணமான பேஸ்மேக்கர் (CARDIAC PACEMAKER)மனிதர்களுக்கு செயற்கையாக இதயத்துடிப்பை உண்டாக்க வல்லது. ஆயிரத்துக்கும் அதிகமான உலக மக்கள் பேஸ்மேக்கரைப் பயன்படுத்தி தங்கள் வாழ்க்கையைத் தொடர்ந்து கொண்டிருக்கிறார்கள். அமெரிக்க நாட்டைச் சேர்ந்த வில்சன் கிரேட்பேட்ச் (Wilson Greatbatch) என்பவருக்கு பேஸ்மேக்கரைக் கண்டுபிடித்த புகழ் கிடைத்தது.
வில்சன் கண்டுபிடித்த பேஸ்மேக்கர் உடலின் வெளியே பொருத்தும் வகையில் அமைந்திருந்தது. வில்சனின் கண்டுப்பிடிப்பிற்கு எட்டு வருடத்திற்கு முன்னால், அதாவது 1950 - ஆம் ஆண்டு கனடாவைச் சேர்ந்த ஜாண் ஹோப்ஸ் (John Hopps) என்பவர் முதல் பேஸ்மேக்கரை உருவாக்கினார்.

ஹோப்ஸ் கண்டுபிடித்த பேஸ்மேக்கர் வடிவில் பெரிய அளவில் இருந்ததால் அவர் கண்டுப்பிடிப்பு உலகிற்கு தெரியாமல் போனது. பொறியாளரான வில்சன் கிரேட் பேட்ச் அமெரிக்க ராணுவத்தில் பணிபுரிந்த காலத்தில் உலகப் போருக்குப் பின் மருத்துவ ஆராய்ச்சியில் ஈடுபடத் தொடங்கினார். பின்னர் கார்னெல் பல்கலைக்கழகத்தில் (Cornel university)உயிரியல் துறையில் பணியில் அமர்ந்து விலங்கு பண்ணையில் விலங்குகளின் பழக்கவழக்கங்கள் குறித்த ஆராய்ச்சியில் ஈடுபடத் தொடங்கினார். அமெரிக்க கம்பெனி உருவாக்கிய சிலிகான் டிரான்ஸ்சிஸ்டரை வைத்து விலங்குகளின் இதயத் துடிப்பைப் பதிவுசெய்து கொண்டிருந்தபோது தவறுதலாக இணைக்கப்பட்ட ஒயர்களால் சமச்சீரற்ற இதயத்துடிப்பிலிருந்த விலங்கின் இதயத்தில் சீரான ‘லப்’ ‘டப்’ தாளத்தைக் கண்டறிந்தார்.

பின்னர் தனது முழு கவனத்தையும் செலுத்தி இதயத்தைச் சமச்சீராக செயல்படுத்தும் ஆராய்ச்சிகளை மேற்கொண்டார். பின்னர் மே 7 - ஆம் தேதி 1958 - ஆம் ஆண்டு உடலினுள் பொருத்தும் சிறிய பேஸ்மேக்கரைக் கண்டுபிடித்தார். முதல் பேஸ்மேக்கர் நாயின் உடலினுள் சார்டக் மருத்துவமனையில் (Chardack Hospital) வைத்து பொருத்தப்பட்டது. இந்த ஆராய்ச்சிக்கு வில்சனின் நண்பர்கள்வில்லியம் சார்டாக் மற்றும் ஆன்ட்ரு கேஜ் முழுமையாக உதவி புரிந்தார்கள். ஆனால், இந்தக் கருவி நான்கு மணி நேரமே வேலை செய்தது. பின்னர் பல தவறுகள் சீர் செய்யப்பட்டு லித்தியம் பேட்டரியில் இயங்கும் பேஸ்மேக்கர் உருவாக்கப்பட்டது. வில்சனின் அயராத ஆர்வத்தால் இக்கருவிக்கு காப்புரிமை கிடைத்தது. இன்று, இது பலராலும் பயன்படுத்தப்பட்டு வருகிறது.

 

Thanks to FB Karthikeyan Mathan

 

நாய்க்குட்டி சொன்ன நீதி !

ஒரு வீட்டில் நாய்க்குட்டியொன்றை எடுத்து வளர்த்து வந்தார்கள்.அந்த நாய்க் குட்டி காகத்துடன் நட்பாக இருந்தது. ஒரு நாள் காகம் மிகவும் கவலையுடன் அமர்ந்திருந்தது.

இதைக் கண்ட நாய்க் குட்டி காகத்திடம் சென்று.

என்ன காக்கையாரே! ஏன் ஒன்றும் பேசாமல் வருத்தமாக இருக்கிறீர்? என்று கேட்டது.

அதற்கு காகம், மனிதர்கள் மற்றப் பறவைகளை அன்புடன் வளர்க்கின்றார்கள். அவைகளின் செயல்களைப் பாராட்டுகின்றார்கள் ஆனால் என்னை வெறுத்து. கல்லால் எறிந்து துரத்துகிறார்களே ஏன்? என்று கேட்டது காகம்.

இதற்குக் காரணம் உங்கள் தீய குணங்கள்தான். இதை இல்லாதொலித்தால் உங்களையும் அன்பாக நடத்துவார்கள், என்றது நாய்க் குட்டி

எங்களிடம் அப்படியென்ன தீய குணங்கள் உள்ளன? கடைமை,சுத்தம், இப்படிப் பல நல்ல குணங்களில் நாங்கள்தான் சிறந்தவர்கள்!என்று சொன்னது காகம்.

உண்மைதான்! என்றது நாய்க் குட்டி

பகிர்ந்துண்ணும் பண்பைக் கற்றுத்தந்ததும் நாங்கள்தான்! என்று பெருமையோடு சொன்னது காகம்.

ஆமாம் அதுவும் உண்மைதான்! என்று மறுபடியும் சொன்னது நாய்க்குட்டி.

இப்படி நல்ல குணங்கள் எம்மிடம் இருந்தும், மற்றப் பறவைகளுக்கு உள்ள மதிப்பு எங்களுக்கு இல்லையே ஏன்?

குயில் கூவும்போது அதன் இனிமையை இரசிக்கிறார்கள். மயிலாடும் போது அதை இரசித்துப் பாராட்டுகிறார்கள். கிளியை வீட்டில் வளர்த்து பேசக் கற்றுக் கொடுக்கிறார்கள்.அனால் எவ்வளவோ நல்ல குணங்கள் இருந்தும் எம்மினத்தைக் கண்டாலே துரத்துகிறார்களே ஏன்? என்று மீண்டும் கேட்டது காகம்.

ஏன் என்று நான் சொல்லுகிறேன். உங்களிடம் எவ்வளவு நல்ல குணங்கள் இருந்தாலும். உங்களிடம் இருக்கும் சில தீய குணங்களால் தான் மனிதர்கள் உங்களை வெறுக்கிறார்கள், என்று கூறியது நாய்க்குட்டி

அப்படி என்ன தீய குணங்கள்? என்று கேட்டது காகம்.

திருடுதல்,ஏமாற்றுதல், என்று சொன்னது நாய்க்குட்டி. காகம் தலை குனிந்தது.

நீதி: ஒருவரிடம் எவ்வளவு நல்ல பண்புகள் இருந்தாலும். அவரின் ஒரு சிறு தீயசெயல் அவரை, அவரின் அத்தனை நல்ல பண்புகளில் இருந்தும் மறைத்து அந்தத் தீயசெயலே முன்னிற்கும்.