கருவூர் சித்தரின் பூசை பலன்கள் !

இவர் நவக்கிரகங்களில் சனீஸ்வர பகவானை பிரதிபலிப்பவர்.

இவரை முறைப்படி வழிபட்டால்,
1. ஜாதகத்தில் உள்ள சனி தோசம் நீங்கி நன்மை கிடைக்கும்.

2. ஏழரைச் சனி, அட்டமச் சனி, கண்டச் சனியால் ஏற்படும் கோளாறுகள் அகலும்.

3. வாகனத்தால் ஏற்படக்கூடிய விபத்துகள் நீங்கும்.

4. இரும்பு விவசாயம் சம்பந்தப்பட்ட பிரச்சினைகள் நீங்கும்.

5. போக்குவரத்து துறையில் உள்ளவர்களுக்கு உண்டான பிரச்சினகள் அகலும்.

6. படிப்பில் உள்ள மந்த நிலை மாறும்.

7. எதிலும் வெற்றி கிடைக்காமல் தடை ஏற்படக்கூடிய நிலை மாறும்.

8. எலும்பு சம்பந்தமான கோளாறுகள் அகலும்.

9. பிரம்மஹத்தி தோசம் அகலும்.

10 புத்திர பாக்கியம் கிடைக்கும்.

11. வேலையாட்கள் முதலாளிகளுக்கு இடையில் ஏற்படும் பிரச்சினைகள் அகலும்.

 

Via Gnanayohi Yohi

ஸ்ரீ போகரின் பூசை முறைகள் !

இவர் நவக்கிரகத்தில் செவ்வாய் கிரகத்தைப் பிரதிபலிப்பவர். ஜாதகத்தில் 1,2,4,7,8,12 ஆம் இடத்தில் செவ்வாய் கிரகம் இருந்தால் செவ்வாய் தோஷத்தினால் நிலத்தகராறும், சகோதர சகோதரிகளுக்குள் உட்பூசல்களும் ஏற்பட வாய்ப்பு உண்டு. ஸ்ரீ மகா போகர் பழனி தண்டாயுதபாணியை நவ பாஷானத்தால் உருவாக்கி பிரதிஷ்டை செய்தவர். இவரை வழிபட்டால் செவ்வாய் கிரகத்தின் அருள் கிடைத்து கீழ்கண்ட பலன்கள் கிடைக்கும்.

1. நிலத்தகராறு, சொத்து தகராறு, வழக்குகள் இவற்றின் பிரச்சினைகள் தீர்ந்து வெற்றி கிடைக்கும்.

2. சொந்த வீடு, நிலம் இல்லாதவர்களுக்கு அவை கிட்டும்.

3. அடுக்குமாடிக் கட்டிடங்கள், ரியல் எஸ்டேட் வியாபாரிகளுக்கு ஏற்படும் தடைகள் அகன்று வியாபாரம் பெருகும்.

4. கட்டிடப் பொருட்கள் வியாபாரிகள், கிரானைட் ஏற்றுமதி, இறக்குமதி செய்பவர்களின் தொழில் தடை நீங்கி அதிக லாபம் கிடைக்கும்.

5. செவ்வாய் தோஷத்தினால் திருமணம் ஆகாமல் இருந்தால், திருமணத் தடை நீங்கி நல்ல இடத்தில் திருமணம் நடக்கும்.

6. பழனி தண்டாயுதபாணியின் அருள் கிடைத்து உடம்பில் உள்ள இரத்த சம்பந்தப்பட்ட நோய்கள் அகலும். புத்திர பாக்கியம் கிடைக்கும்.

7. அரசியலில் பெரும் வெற்றி கிடைக்கும்.

8. இவருக்கு சிவப்பு வஸ்திரம் அணிவித்து அவருக்கு செவ்வரளி புஷ்பங்களால் பூஜை செய்தால் நினைத்த காரியம் நிறைவேறும்.

Via Gnanayohi Yohi

இரத்தம் கண்டுதல் அல்லது கட்டிபடுதல் நோய் பற்றிய தகவல்கள் !

இரத்தம் கண்டுதல் அல்லது கட்டிபடுதல்

இரத்தமானது இரத்தம் குழாய்க்கு வெளியே உறைந்து கட்டி படுவதாகும். மருத்துவத்தில் hematoma எனப்படும்

விழுதல் அடிபடுதல் போன்றவற்றின் போது பொதுவாக ஏற்படுகிறது. வெளிக்காயங்கள் இல்லாதிருந்தாலும் இரத்தக் குழாய் சேதமுற்று குருதியானது அருகில் உள்ள திசுக்களுக்குள் கசியும்போது குருதி உறைந்துவிடும்.

கசிவு அதிகமாக இருந்தால் உறையும் இரத்தமானது கட்டிபோலத் திரளும். நாளம், நாடி மயிர்துளைக் குழாய்கள் என எந்தவிதமான இரத்தக் குழாய்கள் சேதமுறுவதாலும் இவ்வாறு கண்டல் ஏற்படலாம். பாராதூரமான அடிபடிதலில்தான் இரத்தம் கண்ட வேண்டும் என்றில்லை.

மிகச் சாதரண தும்மலின் வேகம் சிலரின் நாசி இழையங்களைத் தாக்குவதால் இரத்தக் கசிவு ஏற்படக் கூடிய சாத்தியம் உண்டு.

இரத்தம் தொடர்ந்து வெளியேறுவதைத் தடுக்கவே குருதி உறைதல் உதவுகிறது. மிகக் குறைந்தளவு இரத்தம் மட்டுமே வெளியேறிய குருதி உறைந்தால் அது ஒரு சிறிய சிவத்த புள்ளி போலவே தோன்றும். அதனை மருத்துவத்தில் Petechiae என்பார்கள்.


அதிகம் வெளியேறி கட்டிபோலத் தோன்றினால்தான் அதை கண்டல் எனச் சொல்கிறோம்.

இரத்தக் குழாய்கள் சேதமுறுவதால் குருதிப் பெருக்கும் ஏற்படலாம். அதன்போது குருதி உறையாமல் தொடர்ந்து வெளியேறிக் கொண்டேயிருக்கும். இதனை மருத்துவத்தில் Hemorrhage என்பார்கள்.

ஏன் ஏற்படுகிறது.

பொதுவாக ஏதாவது விபத்துத்தான் காரணமாக இருக்கும். விபத்து என்பது வீதி விபத்துப்போல தீவிரமானதாக இருக்க வேண்டும் என்றில்லை. தடக்கி விழுதல், தலை கால் போன்ற அங்கங்கள் மேசை கட்டில் போன்றவற்றில் அடிபடுதல் போல மிகச் சாதாரணாகக் கூட இருக்கலாம்.

இப்பொழுது பலர் குருதி உறைதலைத் தடுப்பதற்கான மருந்துகளை உபயோகிக்கின்றனர். இருதய நோயுள்ளவர்கள், இருதய நோய் எற்பட வாய்ப்புள்ளவர்கள் ஆகியோர் குறைந்த அளவில் அஸ்பிரின் மாத்திரைகளை (Aspirin 75mg or 100 mg) உட்கொள்கின்றனர். வேறு சிலர் Clopidogril 75 mg உபயோகிக்கின்றனர். வேறு சிலர் Warfarin உபயோகிக்கின்றனர். பக்கவாதம் வந்த சிலர் Persantine உபயோகிக்கின்றனர்.

இவை யாவுமே இரத்தம் உறைதலைக் குறைக்கினறன. குருதியின் உறையும் தன்மையைக் குறைக்க செய்வது அவர்களது பிரச்சனைகளுக்கு மிக அவசியமானதே. ஆனால் அதன் விளைவாக இவர்களுக்கு சிறிய விபத்தினால் கூட இரத்தக் கசிவு ஏற்படலாம். கண்டலும் ஏற்படலாம். எனவே அவதானமாக இருப்பது அவசியம்.

அறிகுறிகளும் மாற்றங்களும்

கண்டல்கள் பொதுவாகக் கடும் வேதனையைக் கொடுப்பதில்லை. வீக்கமும் சிறியளவு வலியும் இருக்கலாம். இருந்தபோதும் சில இடங்களில் ஏற்படும் கண்டல்கள் அதிக வலியைக் கொடுக்கும்.

ஆரம்ப நிலையில் தொடுகைக்கு கடுமையானதாகத் தோன்றும் கண்டல்கள் சிறிது சிறிதாக மெதுமையடைந்து மறைந்து போகும். வீக்கத்திற்கு ஏற்ப மறைவதற்கு ஒரு நாளோ பல நாட்களோ எடுக்கலாம்.

அளவு குறைந்து செல்லும்போது அதன் வடிவமும் நிறமும் மாறுவதுண்டு. கடும் நீலம் அல்லது கத்தரி நிறமாக இருந்தது பின் சற்று மஞ்சள் பூத்து, பிறவுண் நிறமாகி இறுதியில் வழமையான தோல் நிறத்தை அடையும்.

சில வேளைகளில் கண்டல் ஓரிடத்தில் இருந்து வேறு இடத்திற்கு மாறுவதுமுண்டு. உதாரணத்திற்கு முற் கூறிய பெண்ணிற்கு நெற்றியில் தோன்றிய கண்டல் பின்னர் புவியீர்ப்பு விசை காரணமாக கீழ் நோக்கி நகர்ந்து கன்னத்திற்கும் பின்னர் கழுத்திற்கும் இறங்கியது.

சில வகை இரத்த கண்டல்கள்

நகதின் கீழ்ப் பகுதியில் குரதிக் கசிவு ஏற்பட்டால் கடினமான நகம் ஒருபுறமும், மறுபுறம் எலும்பும் அழுத்துவதால் கண்டல் விரிவடைவதற்கு இடம் அளிக்காது. இதனால் ஏற்படும் அழுத்தம்; கடும் வலியை ஏற்படுத்தும்.

மூக்கில் அடிபட்டால் சில வேளை அதன் நடுவில் இருக்கும் மென்சவ்வான இரத்தத்தில் கண்டல் ஏற்படலாம். இது பெரிதாகவும் இரு பக்க நாசியையும் அடைக்குமளவு பெரிசானால் மூச்செடுப்பதில் சிரமம் ஏற்படுவதுண்டு. இதை அவசரமாக மருத்துவரிடம் காட்டி அகற்ற வேண்டும். இல்லையேல் குருதி ஓட்டம் தடைப்பட்டு மூக்கின் மென்சவ்வு பழுதடைந்துவிடும். மூக்கு சப்பையாகிவிடும்

இதேபோல காது மடலிலும் மென் சவ்வுகள் உள்ளன. அங்கும் கண்டல் ஏற்பட்டால் அதற்கான குருதி ஓட்டம் தடைப்பட்டும். உடனடியாகக் காது மருத்துவரிடம் காட்டி கண்டலை அகற்றுவது அவசியம். இல்லையேல் காது சளிந்து வளைந்துவிடும்.
மலவாயிலிலும் கண்டல் ஏற்படலாம். குதத்திற்கு அருகில் உள்ள இரத்தக் குழாய்கள் வெடிப்பதால் திடீரென வலியுடன் கூடிய கட்டி நாவல்பழக் கலரில் ஏற்படும். வலியைக் குறைப்பதற்கான பூச்சு மருந்து மாத்திரைகளை உபயோகிக்க சில நாட்களில் தானே தணிந்துவிடும். கடும் வலியாயின் மயக்கம் கொடுக்காமலே, விறைப்பதற்கு ஊசி போட்டு கண்டல் இரத்தத்ததை அகற்றுவதன் மூலம் குணப்படுத்தலாம்.

தலையில் அடிபட்டால் எல்லோரும் விழுந்தடித்துக் கொண்டு ஓடி வருவார்கள். காரணம் மண்டையில் கண்டல் பட்டால் அது மூளைக்குள் ஏதாவது ஆபத்தை ஏற்படுத்துமா என்ற பயம்தான். வெளியில் ஏற்படும் கண்டல்கள் மூளைக்குள் எந்தவித பாதிப்பையும் ஏற்படுத்தாது. ஆயினும் தலையில் பட்ட அடியால் மண்டை ஓட்டின் உட்புறம் ஏதாவது இரத்தக் கசிவு அவ்வது உறைதல் ஏற்பட்டால் அது மிகவும் ஆபத்தானதே.

தலையில் அடிப்பட்ட பின்னர் மயக்கம், கடுமையான தலைவலி, வாந்தி போன்ற அறிகுறிகள் சேர்ந்திருந்தால் தாமதிக்காது மருத்துவ ஆலோசனை பெற வேண்டும்.

நீங்கள் செய்யக் கூடியவை

ஆயினும் ஆபத்த சாதாரண கண்டல்களை நீங்களாகவே குணப்படுத்தலாம். இதற்கான மருத்துவத்தை RICE எனக் குறியீடாக் கூறுவார்கள்.

R என்பது Rest யைக் குறிக்கும். ரெஸ்ட் என்பது மூடிக் கட்டிக் கொண்டு படுத்துக் கிடப்பது என அர்த்தப்படாது. பாதிக்கப்பட்ட பகுதிக்கு அதிக வேலைப் பளுவைக் கொடுக்காமல் சற்று ஆறுதல் கொடுப்பதாகும்.

I என்பது Ice யைக் குறிக்கும். கண்டல் பட்ட இடத்தின் மேல் சிறிது ஐஸ்கட்டியை ஒரு பையினுள் வைத்து டவல் துணியால் கட்டிவிடலாம்.

ஆயினும் அவ்வாறு ஐஸ்கட்டியை 10 நிமிடங்களுக்கு அதிகமாக ஒரே தடவையில் வைக்கக் கூடாது.
தேவைப்படால் 10 நிமிடங்களின் பின் எடுத்து விட்டு சற்று நேரம் கழிய மீண்டும் வைக்கலாம்.
அத்துடன் வலியைத் தணிக்க பரசிட்டமோல் மாத்திரைகளைக் கொடுக்கலாம். அஸ்பிரினை அவ் வேளையில் தவிர்ப்பது நல்லது.
C என்பது Compression யைக் குறிக்கும். துணியால் அல்லது பன்டேஜ்சால் அதன் மேல் கட்டுவதானது வீக்கம் அதிகரிக்காமல் இருக்க உதவும்.

E என்பது Elevation யைக் குறிக்கும். அடிபட்ட இடத்தைத் தொங்கவிடாது உயர்த்தி வைத்தால் விக்கம் வேதனை விரைவில் குறையும்.

இறுதியாகச் சொல்வதானால் பெரும்பாலான கண்டல்கள் ஆபத்தற்றவை. இருந்தபோதும் அவை ஏற்படாமல் இருப்பதற்கு நாம் அவதானமாக இருக்க வேண்டும். பிள்ளைகள் இளைஞர்கள் விளையாட்டின் போது விழுந்து காயம் படுவதற்கான சாத்தியம் அதிகம்.

அதேவேளை முதியவர்கள் சமநிலை தளும்பலாலும், காலில் ஏற்படும் விறைப்புத் தன்மைகளாலும் விழுவதற்கும் காயம் படுவதற்குமான சாத்தியம் அதிகம். அத்துடன் அவர்கள் குருதி உறைதலைத் தடுக்கும் மருந்துகளையும் உபயோகிக்க நேர்வதால் காயங்களும் கண்டல்களும் ஏற்படுவதற்கான வாய்ப்பு அதிகமாகும்.

Via Karthikeyan Mathan

 

நம்பிக்கை மனதில் இருந்தால் வெல்லலாம் யாவரும் !

ஒரு ஊரில் நண்பர்களான இரண்டு இளைஞர்கள் ஒருநாள் வெளியூருக்குச் சென்றார்கள். போகும் வழியில் இரவு நெருங்கிவிட்டதால் குளிரவும் தொடங்கி விட்டது. இருந்தாலும் இருவரும் பல விஷயங்களைப் பற்றி பேசியபடியே பயம் தெரியாமல் நடந்தார்கள்.

நேரம் நகர்ந்துகொண்டே போனதில், இரவும் வளர்ந்து கும்மிருட்டு ஆனது. சரி. ஏதாவது ஒரு மரத்தில் ஏறி இரவைக் கழித்துவிடலாம் என்று அவர்கள் நினைத்தபோதுதான் அந்த பயங்கரம் நிகழ்ந்தது.

எதன்மீதோ தடுக்கி எப்படியோ உருண்டு அழமான கிணறு ஒன்றில் விழுந்துவிட்டார்கள் அவர்கள். இருவருக்கும் நீச்சல் தெரியும் என்பதால் நீரில் மூழ்கவில்லை என்றாலும் மிக ஆழமான பாசிபடர்ந்த கிணறு என்பதாலும், இருட்டு என்பதாலும் அவர்களால் வெளியே வரமுடியவில்லை. கிணற்றில் விழுந்த நிலவின் பிம்பம் மட்டுமே துணையாக இருக்க இருவரும் விடியும்வரை கிணற்றுக்குள்ளேயே இருந்தார்கள்.

விடிந்தது. வெளிச்சம் பரவ ஆரம்பித்ததும் அவர்களுக்கு இருந்த கொஞ்சம் நம்பிக்கையும் இருண்டுபோனது. காரணம், கிணறு அவர்கள் நினைத்ததைவிட மிக மிக ஆழமாக இருந்தது. அதைவிட மோசமாக, அதில் இருந்து ஏறி வர எந்தப்பிடிப்போ படிகளோ எதுவுமே இல்லை. சுருக்கமாகச் சொன்னால், எப்போதோ இயற்கைச் சீற்றத்தின்போது ஏற்பட்ட வெகு ஆழமான பள்ளம்போல் இருந்தது அது. சேறும் சகதியும் நிறைந்திருந்த அதில் இருந்து வெளியேறுவது எதாவது அதிசயம் நிகழ்ந்தால்தான் முடியும்.

நிலவரம் என்ன என்பது தெரிந்ததுமே இளைஞர்களில் ஒருவன் கலவரம் அடைந்து சேர்ந்து போனான் மற்றவனோ சற்று நேரம் அமைதியாக தியானத்தில் அமர்ந்தான். பிறகு யோசிக்க ஆரம்பித்தான். அப்போது, கிணற்றின் ஒரு மூலையில் காட்டு மரம் ஒன்றின் கனமான வேர் பரவி இருப்பது அவன் கண்ணில் பட்டது. அதைப் பார்த்ததும், அவனுக்கு ஒரு யோசனை தோன்றியது. சட்டென்று கிணற்றுக்குள் மூழ்கியவன் அதன் அடியில் இருந்து ஒரு கல்லை எடுத்து வந்தான். அந்தக் கல்லால் வேரைத் தட்டித்தட்டி சிறு கழி போல் இரு துண்டுகளை வெட்டி எடுத்தான்.

இந்த வேர்க்குச்சிகளை பிடிமானமாகப் பயன்படுத்தி மேலே ஏறுவோம்... வா.. ! என்று மற்றவனை அழைத்தான். ஆனால் அவன் பயந்து நடுங்கி வர மறுத்தான். அவனைச் சுமந்து கொண்டு வெளியேறுவது முடியாத விஷயம். அதே சமயம் நண்பனை கிணற்றுக்குள்ளேயே விட்டுவிட்டுப் போகவும் முடியாது.

என்ன செய்து ? மறுபடியும் யோசித்தான் இளைஞன். ஒரு சில நிமிடங்களுக்குப் பின் தன் நண்பனிடம் நண்பா எனக்கு ஒரு மந்திர வார்த்தை தெரியும். அதைச் சொன்னால் எந்தவித பயமும் நமக்கு வராது. அதைத்தான் நான் இவ்வளவு நேரம் சொல்லி தியானம் செய்தேன். நீயும் சொல். உனக்கும் அச்சம் இருக்காது. சுலபமாக நாம் வெளியேறிவிடலாம் என்றான். அதைக் கேட்டதுமே இரண்டாவது இளைஞன் முகத்தில் ஒரு மலர்ச்சி வந்தது. அவசர அவசரமாக கேட்டான், என்ன மந்திரம் அது, சொல்...! இளைஞன் சொன்னான் நமஇவெயா

நமசிவாய தெரியும்.. இது என்ன நமஇவெயா... ? உனக்கு கிணற்றை விட்டு வெளியேற ஆசை இருக்கிறதா இல்லையா ? இருக்கிறது.. ! அப்படியானால் கேள்வி எதுவும் கேட்காமல் மந்திரத்தைச் சொல் ...! இரண்டாவது இளைஞன் மந்திரத்தைச் சொன்னான். அவன் மனதிலும் நம்பிக்கை எட்டிப் பார்த்தது. அப்புறும் என்ன, இருவரும் சிரமப்பட்டு வெளியில் வந்தார்கள்.

கொஞ்சநேர ஓய்வுக்குப் பின் அவர்கள் பயணம் தொடர்ந்தது. வழியில் இரண்டாவது இளைஞன். நண்பனிடம் கேட்டான். எனக்குத் தெரியாமல் நீ எப்போது மந்திர தந்திரங்களைக் கற்றாய் ? நீ சொன்ன மந்திர வார்த்தையைச் சொன்னபோது எனக்குள் ஒருவித ஆற்றல் பொங்கி எழுந்தது. அபூர்வமான இந்த மந்திரத்தைப்போல் இன்னும் ஏதாவது தெரியுமா உனக்கு ? அவற்றையும் சொல்லித்தருகிறாயா?

முதல் இளைஞன் சிரித்தான்.. நண்பா என்னை மன்னித்துவிடு. எனக்கு மந்திரம் எதுவும் தெரியாது. நான் உனக்கு செல்லித் தந்தது. மந்திர வார்த்தையும் அல்ல.. ! அப்படியானால் என்னை ஏன் ஏமாற்றினாய் ? நான் ஏமாற்றவில்லை. உன் மனதில் இருந்த எதிர்மறை எண்ணத்தை வெளியே தள்ளி, நீ நம்பிக்கையுடன் செயல்பட உதவினேன். அவ்வளவுதான். நீ சொன்ன மந்திர வார்த்தை..! ? அது, நம்பிக்கை மனதில் இருந்தால் வெல்லலாம் யாவரும் என்ற வார்த்தையின் முதல் எழுத்துக்கள்தான். புரிந்ததா?

Via வாழ்வது ஒரு முறை வாழ்த்தட்டும் தலை முறை

பொது அறிவு !

1) தந்திமுறை கண்டறிந்தவர் யார்?
சாமுவல் மோர்ஸ் - 1837.

2)இந்தியாவின் முதல் விண்வெளி வீரர் யார்?
ராக்கேஷ் ஷர்மா

3)உலகின் நான்கு மாகடல்களில் மிகப் பெரியது எது?
பசிபிக் மாகடல் - ஒரு இலட்சத்து அறுபத்தைந்தாயிரத்து முன்னூற்று எண்பத்து நான்கு ச.கி

4)எபிசெண்டர் என்றால் என்ன?
பூகம்பத்தின் தோற்றுவாய்

5)உலகின் மிகப் பெரிய உப்புநீர் ஏரி எது?
ஈகாஸ்பியன் கடல் - இரஷ்யா / இரான் - 393,898 ச.கி

6)உலகின் மிகப் பெரிய நன்னீர் ஏரி எது?
சுப்பீரியர் - அமெரிக்கா/கனடா - 32,103 ச.கி

7)உலகின் மிக உயரமான அருவி எது?
ஏஞ்சல் - வெனிசுவேலா - 3212 அடி

8)உலகின் மிக நீளமான நதி எது?
அமேசான் - தென்னமெரிக்கா - 6750 கி.மீ

9)உலகின் மிக உயரமான மலைச்சிகரம் எது?
எவரெஸ்ட் - நேபாளம் - 8848 மீட்டர்கள்

10)உலகின் மிகப் பெரிய பாலைநிலம் எது?
சகாரா - வட ஆப்பிரிக்கா - 8400000 ச.கி

11)உலகின் மிகப் பெரிய நிலப்பகுதி எது?
ஆசியா - 44387000 ச.கி

Via Karthikeyan Mathan

பலன் தரும் இயற்கை மருத்துவ குறிப்புகள் 26

* ஏலம்:
ஏலக்காய் 1 பங்கு, பனைவெல்லம் றி பங்கு சேர்த்து, எட்டுப்பங்கு நீர்விட்டுக் காய்ச்சி கொடுக்க பித்த மயக்கம் உடனடியாக படிப்படியாக குறையும் .

*புளி:
புளியிலை, வேப்பிலை இவ்விரண்டையும் சமஅளவு எடுத்து நன்கு இடித்து எட்டு பங்கு நீர்விட்டுக் காய்ச்சி புண்களைக் கழுவி வர, ஆறாத புண்கள் கூட உடனே ஆறும்.

* பாசிப்பயிறு:
பாசிப்பயிறு மாவை வெந்நீர் விட்டுக் களியாகக் கிளறி மார்பில் பற்று போட பால்கட்டு குறைந்து வீக்கமும் படிப்படியாக குறைந்து போகும். மார்பின் நெறிக்கட்டிகளும் குறைய ஆரம்பிக்கும்.

*பசி உண்டாக:
புதினா சாறு 1 பங்கு, எலுமிச்சம் பழச்சாறு 3 பங்கு கூட்டி கொஞ்சம் சர்க்கரை சேர்த்து கொள்ளவும் இதை அருந்த பசி உண்டாகும். .

* புங்கன்:
புங்கன் கொழுந்தை நன்கு அரைத்து நல்லெண்ணெய் கலந்து சாப்பிட்டு வர வெள்ளை படுத்தல் தீரும்.

*அரிசிக் களிம்பு:
முருங்கை வேர்ப்பட்டையும், புழுங்கலரிசியும் உப்பும் சேர்த்து நன்கு அரைத்து கட்ட கட்டி கரையும்.

Via  இயற்கை அளிக்கும் நிவாரணங்கள்

சில காய்கறிகளின் மருத்துவ குணங்கள் !

வாழைப்பூ:
இதில் இரும்புச்சத்து, போலிக் அமிலம், வைட்டமின் ஏ, பி, சி சத்துக்கள்
நிறைந்துள்ளன. இரத்தச் சோகையை வராமல் தடுத்து உடலுக்கு தெம்பையும்
புத்துணர்வையும் தரவல்லது.

வாழைத்தண்டு:
இதில் கால்சியம், பாஸ்பரஸ், இரும்புச்சத்து, வைட்டமின் பி, சி நிறைந்துள்ளது.
இரத்தத்தை சுத்தப்படுத்தும். இரத்தத்தில் உள்ள தேவையற்ற அசுத்த நீரை
பிரித்தெடுக்கும். சிறுநீரகத்தின் செயல்பாடுகளை சீராக்கி சிறுநீரக கல்
அடைப்பை தடுக்கும்.

வாழைக்காய்:
இரும்புச்சத்து,பாஸ்பரஸ், வைட்டமின் பி, சி, சத்துக்கள் அதிகம் உள்ளது. வாயுவைத் தூண்டும்
குணமுள்ளதால் இதை சமைக்கும்போது அதிகளவில் பூண்டு சேர்த்துக்கொள்வது
நல்லது. மலச்சிக்கல் தீர்க்கும்.

பாகற்காய்:
வைட்டமின் ஏ, பி, சி, பாஸ்பரஸ், இரும்புச்சத்து, கால்சியம் சத்துக்கள்
நிறைந்துள்ளது. நன்கு பசியைத் தூண்டும். உடலில் சர்க்கரையின் அளவைக்
கட்டுப்படுத்தும்.

சேப்பங்கிழங்கு:
கால்சியம், பாஸ்பரஸ் அதிகம் நிறைந்துள்ளது. இவை எலும்புகளையும், பற்களையும் உறுதிப்படுத்தும்.

பீட்ரூட்:
கால்சியம், சோடியம், பொட்டாசியம் சத்துக்கள் நிறைந்துள்ளன. மலச்சிக்கலைப் போக்கும், இரத்த சோகையை சரிபடுத்தும்.

வெண்டைக்காய்:
போலிக் அமிலம், கால்சியம், பாஸ்பரஸ் நிறைந்துள்ளன. மூளை வளர்ச்சியைத் தூண்டும். நன்கு பசியை உண்டாக்கும். மலச்சிக்கலைப் போக்கும்.

கோவைக்காய்:
வைட்டமின்ஏ, கால்சியம், போலிக் அமிலம், பாஸ்பரஸ், இரும்புச்சத்துக்கள் நிறைந்தள்ளன.
வயிற்றுப்புண், வாய்ப்புண், மூல நோயின் தாக்குதல் போன்றவற்றை நீக்கும்.

முருங்கைக் காய்:
வைட்டமின் ஏ, பி, சி, பாஸ்பரஸ், இரும்புச்சத்து நிறைந்துள்ளது. பெண்களுக்கு
மாதவிலக்கின்போது உண்டாகும் அதிக உதிரப்போக்கைத் தடுக்கும். விந்து
உற்பத்தியைப் பெருக்கும்.

சுண்டைக்காய்:
புரதம்,கால்சியம், இரும்புச்சத்து, கணிசமாக உள்ளது. உணவில் சுண்டைக்காய் சேர்த்து
வந்தால் வயிற்றுப் புழுக்களை கொல்லும். உடல் வளர்ச்சியைத் தூண்டும்.

சுரைக்காய்:
புரதம்,கால்சியம், இரும்புச்சத்து, பாஸ்பரஸ், வைட்டமின் பி, நிறைந்துள்ளது. இவை
உடல் சோர்வை நீக்கி, உடலுக்கு புத்துணர்வைக் கொடுக்கும்.

குடைமிளகாய்:
வைட்டமின் ஏ, பி,சி, கால்சியம், பாஸ்பரஸ், இரும்புச்சத்து, கணிசமாக உள்ளது. அஜீரணக் கோளாறை நீக்கி செரிமான சக்தியை தூண்டும்.

சௌசௌ:
கால்சியம், வைட்டமின் சி, சத்துக்கள் உள்ளன. எலும்பு, பற்களுக்கு உறுதியைக் கொடுக்கும்.

அவரைக்காய்:
புரதம்,நார்ச்சத்து மிகுந்துள்ளது. இவை உடலில் நோய் எதிர்ப்பு சக்தியை அதிகரித்து
தேகத்தை பலப்படுத்துகிறது. மலச்சிக்கலைப் போக்குகிறது.

காரட்:
உடலுக்கு உறுதியைக் கொடுக்கும். இரத்தத்தை சுத்தப்படுத்தும்.

கொத்தவரங்காய்::
இரும்புச்சத்து, கால்சியம், பாஸ்பரஸ், வைட்டமின் ஏ, பி, சி நிறைந்துள்ளது. நீரிழிவு நோயைக்
கட்டுப்படுத்தும். இரத்தத்தை சுத்தப்படுத்தும்.

கத்தரி பிஞ்சு:
கால்சியம், இரும்புச்சத்து, பாஸ்பரஸ் நிறைந்துள்ளது. செரிமான சக்தியை தூண்டி நன்கு பசியை உண்டாக்கும்.

Via Karthikeyan Mathan