பன்னிரண்டு ராசியினர் தரிசிக்க வேண்டிய அதிர்ஷ்டக்கோயில்!

எந்த ராசிக்கு எந்த கோயில் பன்னிரண்டு ராசியினரும் தரிசிக்க வேண்டிய அதிர்ஷ்டக்கோயில், வழிபாடு முறைகள் இப்பகுதியில் இடம் பெற்றுள்ளது.

* மேஷம்: சஷ்டி திதி அல்லது புனர்பூசம் நட்சத்திரத்தன்று திருச்செந்தூர் முருகனை தரிசியுங்கள். ஏழை மாணவர்களின் கல்விக்கு உதவி செய்யுங்கள். தொழிலில் வருமானம்பன்மடங்கு உயரும்.

* ரிஷபம்: திருவாதிரை நட்சத்திரத்தன்று திருச்சி ஸ்ரீரங்கத்தில் உள்ள ஸ்ரீரங்கநாதரை வழிபடுங்கள். திருமணத்திற்கு பொருளுதவி செய்யுங்கள். வாழ்வில் சுபிட்சம் உண்டாகும்.

* மிதுனம்: பூர நட்சத்திரத்தன்று விழுப்புரம் மாவட்டம் உளுந்தூர் பேட்டைக்கு அருகிலுள்ள பரிக்கல் ஸ்ரீலட்சுமி நரசிம்மரை வழிபடுங்கள். முதியோருக்கு உதவிட விருப்பம் நிறைவேறும்.

* கடகம்: திங்கட்கிழமை அல்லது பூரம் நட்சத்திரத்தன்று காஞ்சிபுரம் காமாட்சி அம்மனை வழிபடுங்கள். மனதில் மகிழ்ச்சி நிலைக்க திருமாங்கல்யம் வாங்க பணஉதவி செய்யுங்கள்.

* சிம்மம்: சுவாதி நட்சத்திரத்தன்று சிதம்பரம் அருகிலுள்ள புவனகிரியிலுள்ள குருராஜரான ராகவேந்திரரை வணங்குங்கள். தொழு நோயாளிக்கு உதவி செய்ய நிம்மதி கிடைக்கும்.

* கன்னி: சதயம் நட்சத்திரத்தன்று திண்டிவனம் அருகிலுள்ள திருவக் கரையில் கோயில் கொண்டிருக்கும் வக்ரகாளிஅம்மனை வழிபடுங்கள். ஏழைக்கு பொருளுதவி செய்யுங்கள். தடை நீங்கி முயற்சி நிறைவேறும்.

* துலாம்: ரேவதி நட்சத்திரத்தன்று விருத்தாசலம் விருத்த கிரீஸ்வரர் கோயிலிலுள்ள ஆழத்துவிநாயகருக்கு அருகம்புல் சார்த்தி வழிபடுங்கள். திருநங்கைகளுக்கு உதவுங்கள். வாழ்வில் நல்ல திருப்பம் உருவாகும்.

* விருச்சிகம்: அசுவினி நட்சத்திரத்தன்று மருதமலையில் பாம்பாட்டி சித்தர், முருகன் சன்னதியில் தீபமேற்றி வழிபடுங்கள். விதவைப் பெண்ணுக்கு உதவுங்கள். வெற்றி மேல் வெற்றி கிடைக்கும்.

* தனுசு: ஞாயிறு அல்லது உத்திர நட்சத்திரத்தன்று கும்பகோணம் அருகிலுள்ள திருபுவனத்தில் அருள்புரியும் சரபேஸ்வரரை வழிபடுங்கள். மாற்றுத் திறனாளிகளுக்கு உதவி செய்யுங்கள். குழப்பம் நீங்கி மனதில் தெளிவு பிறக்கும்.

* மகரம்: கடலூர் மாவட்டம் விருத்தாசலம் அருகிலுள்ள ஸ்ரீமுஷ்ணம் பூவராகவப் பெருமாளை உத்திரட்டாதி நட்சத்திர நாளில் தரிசியுங்கள். பார்வையற்றவர்களுக்கு உதவினால் வாழ்வு பிரகாசமாகும்.

* கும்பம்: திருச்சி சமயபுரத்தில் அருள்பாலிக்கும் மாரியம்மனை, பரணி நட்சத்திரத்தன்று மாவிளக்கேற்றி வணங்குங்கள். ஆதரவற்ற பெண் குழந்தைகளுக்கு உதவுங்கள். செல்வம் கொழிக்கும்.

* மீனம்: திருவண்ணாமலை அண்ணாமலையாரை பவுர்ணமி திதி அல்லது மகம் நட்சத்திரத்தன்று கிரிவலம் சென்று வணங்குங்கள். புற்று நோயாளிகளுக்கு உதவுங்கள். தொட்டதெல்லாம் துலங்கும்.

Top of Form

 நன்றி இணையம்