பீட்ரூட் அல்வா செய்யும் முறை

தேவையான பொருட்கள்
பீட்ரூட் - 1/4 கிலோ
பால் - 1/4 லி
சீனி - 150 கிராம்
பசுநெய் - 50 கிராம்
ஏலக்காய் - .2
முந்திரி - 10

செய்முறை:

பீட்ரூட்டை தோல் நீக்கி, பொடிதாக நறுக்கி, மிக்சியில் நன்றாக (நீர் கலக்காமால் - தேவையெனில் சற்று பால் சேர்த்து) அரைத்துக் கொள்ள வேண்டும்.

சற்று தடிமனான வாணலியை அடுப்பில் வைத்து முக்கால் பங்கு பசுநெய்யை ஊற்றி ஏலக்காய், பொடிதாக நறுக்கப்பட்ட முந்திரியை இட்டு பொன்னிறமாக வறுக்கவும்.

அரைக்கப்பட்ட பீட்ரூட்டை வாணலியில் இடவும்.
பின்னர் பாலை வாணலியில் ஊற்றி கிளறிக்கொண்டே இருக்கவும்.

வற்றி கெட்டி நிலையை அடைந்ததும் சீனியை விட்டு மீண்டும் கெட்டி நிலையை அடையும் வரை கிளறிக்கொண்டே இருக்கவும்.

மீதமிருக்கும் பசுநெய்யை ஊற்றி அடுப்பிலிருந்து இறக்கவும். பீட்ரூட் அல்வா ரெடி.

நன்றி :
சமையல் செய்வது எப்படி

கதம்பம்....