தியானம் தான் உனக்கு ஏற்றது

தியானம் தான் உனக்கு ஏற்றது என்றால் புத்தரைப் போல உட்கார்ந்து விடு

மௌனமாக ஒன்றும் செய்யாமல் அப்படியே உட்கார்ந்து விடு

சிந்திப்பது கூட ஒரு காரியமாக தெரியும் அளவுக்கு

ஆழ்ந்த மோனத்தில் உட்கார்ந்து விடு

சில நாட்களுக்கு சிந்தனைகள் வந்து போய் கொண்டுதான் இருக்கும்

அவற்றைக் கவனித்துக் கொண்டே வந்தால்

அது குறித்து எந்த முடிவும் எடுக்காமல் இருந்தால்

போகப் போக அவை இல்லாமல் போய் விடும்

நீ தொடர்ந்து கவனித்துக் கொண்டே வரும்போது சில இடைவெளிகள் கிடைக்கும்

அந்த இடைவெளிகளில் உன்னுடைய உயிர்த்தலை பார்த்து விடுவாய்

அப்படி பார்க்கும் காட்சிகளை

உடலில் இருந்தும் பெறலாம்

நெஞ்சத்தில் இருந்தும் பெறலாம்

புத்தியில் இருந்தும் பெறலாம்

ஏனென்றால் அப்போதுதான் நீ உடலாகவும் நெஞ்சமாகவும் 
மனமாகவும்

அவற்றைக் கடந்த ஒன்றாகவும் இருக்கிறாய்

நீ அவை ஒவ்வொன்றில் இருந்தும் சம தூரத்தில் இருக்கிறாய்

அதுதான் துரியம் என அழைக்கப் படுகிறது

உடலை மறுக்க வேண்டாம் 
நெஞ்சத்தை மறுக்க வேண்டாம் 
புத்தியை மறுக்க வேண்டாம்

நீ எங்கே இருக்கிறாயோ அங்கேயே இருந்து கொள் அங்கிருந்தே சாதகம் செய்ய ஆரம்பித்து விடலாம்

எந்த நம்பிக்கையும் வேண்டியதில்லை

உன்னை நீயே நம்பி ஏற்றுக்கொள்ளும் போது பிற நம்பிக்கைகள் எதற்கு

கடவுள் உன்னை ஏற்றுக்கொள்கிறார் எனும்போது உன்னை யாரும் மறுக்க முடியாது

கடவுள் உன்னுள் மூச்சு விட்டுக் கொண்டு இருக்கிறார் 
அவர் உனக்குள் வாழ்ந்து கொண்டு இருக்கிறார்

உடலும் நெஞ்சும் மனமும் கூட்டாக ஈடுபடும் தியானத்தை முயன்று பார்

அப்போது நீ உயிர்த்திருப்பதை உணர ஆரம்பித்து விடுவாய்

நீ எதனிடமாவது சரணாகதி அடைந்தால் அதுதான் புத்தராகிப் போவது

அகந்தையானது அகந்தை கழிந்து போன ஒன்றிடம் சரணடைவது சிரமம்

ஆனால் ஒரு அகந்தை இன்னொரு அகந்தையிடம் சரணடைவது மிகச் சுலபம்

எங்கே யாரிடம் சரணடைய முடியுமோ அங்கே அவரிடம் சரணடைந்து விடு

முடிவு அந்த மனிதரை சார்ந்திருப்பது இல்லை

உன்னுடைய சரணாகதியோடு தொடர்புடையது அதன் பயன்

சரணடையும் அந்தப் பண்பே உன்னை மாற்றி விடுகிறது

மனிதர்கள் வார்த்தைகளுக்கு அடிமை ஆகிப் போகிறார்கள்

எந்தக் கிளர்ச்சியான வார்த்தையும் பயன் தராது

பிறரைக் கிளர்ச்சி கொள்ள வைக்கிறவர்கள் தத்தம் லட்சியத்துக்காகப் பிறரை வற்புறுத்துகிறார்கள்

முழுமை உனக்குள் இயங்கும் போது நீ அங்கே இருக்க மாட்டாய்

நீ பரந்த சூன்யமாகிப் போவாய்

நன்றி இணையம்