🚫 புதிதாக வெள்ளியங்கிரி மலை ஏறும்போது செய்யும் 5 தவறுகள்.

 

புதிதாக வெள்ளியங்கிரி மலை ஏறும்போது செய்யும் 5 தவறுகள்.

 

வெள்ளியங்கிரி மலை ஏறுவது ஒரு சாதாரண பயணம் இல்லை — இது ஒரு கடுமையான மலையேற்றம். இதில் நாம் செய்யும் சிறிய தவறுகளே பெரிய சிரமமாக மாறும்.

இந்தச் சீசனில் பல முறை மலை ஏறிய அனுபவத்தில் நான் கவனித்த முக்கியமான 5 தவறுகளை இங்கே பகிர்கிறேன்.

வெள்ளியங்கிரி மலை பயண வழிகாட்டி — தொடர்ச்சி

(முதல் பதிவை இன்னும் படிக்கவில்லை என்றால்? கீழே link உள்ளது)

 

━━━━━━━━━━━━━━━━━━━━━━

1. உடலை தயார் செய்யாமல் திடீரென மலை ஏறுவது

━━━━━━━━━━━━━━━━━━━━━━

நண்பர்கள் சொன்னதால், அல்லது வீடியோக்களை பார்த்ததால் நேரடியாக மலை ஏறுவது பெரிய தவறு.

குறைந்தது 2–3 வாரங்கள், உடற்பயிற்சி, நடைபயிற்சி, யோகப் பயிற்சி என ஏதாவது ஒரு முறையில் உடலை தயார்படுத்துவது மிக அவசியம்.

━━━━━━━━━━━━━━━━━━━━━━

2. தண்ணீர் மற்றும் உணவை போதுமான அளவில் எடுத்துச் செல்லாதது

━━━━━━━━━━━━━━━━━━━━━━

பலர் 1 லிட்டர் தண்ணீருடன் மட்டுமே வருகிறார்கள் — இது போதாது.

குறைந்தது 2 லிட்டர் தண்ணீர் அவசியம்

அரை மணி நேரத்திற்கு ஒருமுறை சிறிதளவு தண்ணீர் குடிக்க வேண்டும் — இது தசைப்பிடிப்பு மற்றும் சோர்வை குறைக்கும்

ஆரஞ்சு, உலர் பழங்கள், எளிய உணவு

உப்பு மற்றும் சர்க்கரை கலந்த எலுமிச்சை சாறு

எலக்ட்ரோலைட் / குளுக்கோஸ்

10 மணி நேரத்துக்கும் மேலான இந்தப் பயணத்தில், சக்தியை தொடர்ந்து தக்க வைத்துக்கொள்ள இது உதவும்.

 

━━━━━━━━━━━━━━━━━━━━━━

3. வேகமாக ஏற முயற்சிப்பது

━━━━━━━━━━━━━━━━━━━━━━

முதல் மலையிலேயே வேகமாக ஏற முயற்சிக்கிறார்கள்.

இதனால் மூச்சுத்திணறல் மற்றும் விரைவான சோர்வு ஏற்படும்.

ஒவ்வொரு படியிலும் கவனமாக, மெதுவாக, சீராக ஏறுங்கள்

மூங்கில் குச்சி அவசியம் வைத்துக் கொள்ளுங்கள்

━━━━━━━━━━━━━━━━━━━━━━

4. கால்களை பாதுகாக்காமல் செல்வது

━━━━━━━━━━━━━━━━━━━━━━

வெறும் காலில் நடக்கப் பழக்கம் இல்லாதவர்கள் அதிகம் சிரமப்படுகிறார்கள்.

தடிமனான சாக்ஸ் அணியுங்கள்

ஒரு கூடுதல் ஜோடி வைத்துக் கொள்ளுங்கள்

முன்பே வெறும் காலில் நடந்து பழகிக் கொள்ளுங்கள்

 

━━━━━━━━━━━━━━━━━━━━━━

5. அதிக நேரம் அமர்ந்து ஓய்வெடுப்பது

━━━━━━━━━━━━━━━━━━━━━━

பலர் நீண்ட நேரம், கால் மடக்கி அமர்ந்து விடுகிறார்கள்.

இதனால் தசைகள் இறுக்கமாகி, மீண்டும் நடக்கச் சிரமமாகிறது.

 

நின்றபடி 1–2 நிமிடம் ஓய்வு எடுத்தால் போதும்

ஒவ்வொரு மலையின் முடிவிலும் தேவை என்றால் 5–10 நிமிடம், கால் நீட்டி அமருங்கள்

மூங்கில் குச்சி, வாலினி ஸ்பிரே மற்றும் கிரிப் பேண்ட் பாதுகாப்பிற்கு உடன் வைத்துக் கொள்ளலாம்

 

━━━━━━━━━━━━━━━━━━━━━━

முக்கியமாக நினைவில் கொள்ளுங்கள்...

━━━━━━━━━━━━━━━━━━━━━━

மலையை வெற்றிகொள்ள முயலாதீர்கள்…

அதை பக்தியுடனும், பணிவுடனும், மரியாதையுடனும் அணுகுங்கள்.

அப்போது இந்தப் பயணம் உங்களுக்கு,

வெள்ளியங்கிரி ஆண்டவர் தரிசனத்தோடு

உள்நிலையில் ஒரு மாற்றத்தையும், வளர்ச்சியையும் தரும்.

━━━━━━━━━━━━━━━━━━━━━━

இந்தப் பதிவு பயனுள்ளதாக இருந்தால், வெள்ளியங்கிரி யாத்திரை செல்ல நினைக்கும் நண்பர்களுடன் பகிருங்கள்.

முழு அனுபவக் கட்டுரை (Part 1):

https://www.facebook.com/share/p/1C4mYj4SSD/

━━━━━━━━━━━━━━━━━━━━━━

உங்களுடைய வெள்ளியங்கிரி பயணம் பாதுகாப்பாகவும், மகிழ்ச்சியாகவும் அமைய வாழ்த்துக்கள்…

நன்றி,

சுவாமி ஸ்ரீ முகா

மண் காப்போம் இயக்கம் | ஈஷா யோகா மையம்

#வெள்ளியங்கிரி #வெள்ளியங்கிரிமலை #VelliangiriHills #மலையேற்றம் #Trekking #TamilTrekking #வெள்ளியங்கிரியாத்திரை #மலையேற்றதவறுகள் #TrekkingTips #VelliangiriTrek #சிவன்மலை #ஆன்மிகயாத்திரை #MannKappomIyakkam #மண்காப்போம்